عاوز أقولك حاجه أنا مغير موتور عربيتى الصينى بموتور يابانى
بدون أى تعديلات فى الكنترول أو الكهرباء أو قواعد الموتور
والمهندسين بتوع التوكيل بيقفو يلتفو حول عربيتى يتفرجو عليها
وبيتصلو بى يسألونى عن اللى عملته وكمان بيجيبو لى عربيات
علشان أعدلها دول المهندسين ومش كلهم عباقره زى ما إنته فاكر
وشكرا
[/QUOTE]
يا جماعه حصل خير وكلنا اخوه هنا فى المنتدى
بس احب اوضح حاجه لسيادتك معظم الصنايعيه الا من رحم ربى فاكرين انه اشطر من المهندس وان المهندس مش فاهم حاجه
هديك مثال بسيط فى بناء العمارات مقاولين لا اتعلموا فى مدارس ولا بيعرفوا يفكو الخط بيبنوا عمارات وبيفتكروا اانهم اشطر من المهندسين وده اعتقاد خاطىء يعنى مش معقوله المهندس بيقعد خمس سنين فى الكليه يهزر . المقاول يبنى عماره انما لو قولتله ينفع تحط بوص بدل الحديد مش هيعرف يرد رد منطقى والحاجه التانيه ان العمارات بتقف مش علشان خبرة المقاول ولكنها تقف لاسباب هندسيه كثيره لا يفهمها المقاول وهذا ما حدث مع معظم عمارات مصر فى زلزال 92. لاسباب هندسيه بحته وليس لخبره مقاول او كذا وطبعا قبل ده كله موقعتش بسبب ستر الله ثم الاخذ بالاسباب العلميه.
بالنسبه بقى لموضوع ان الواحد كهربائى سيارات او كهربائى شقق مش مطلوب من المهندس انه يكسر ويمد مواسير والكلام ده انما لو جبت كهربائى وقولتله اعملى دايرة برج فراغى لالتقاط اشاره او اى شىء متخصص لن يستطيع.