المشاركة الأصلية كتبت بواسطة محمد اشرف
اولا شكرا جدا لرد حضرتك
انا رايي الى انا شفتهم فى الرنج ده
لو حضرتك عايز عربيه عائليه
هيكون
1- تويوتا افانزا عربيه عائليه و 7 راكب ومريحه جدا وهيكون الشكل الى نازل جديد احلى انا السعر الى هقوله دلوفتى اعلى فئه فى الافانزا بس معرفش الجديد ولا الشكل القديم 132000
2- كيا كارينز عربيه اوبشن حلوه جدا اعلى فئه فعلا تحفه عمله 140000 وممكن يتركب دور 3 عند التوكيل
دول لو عائليه وفى نفس الوقت نفس الكماليات اما لو شخصى مش هتركبها العائله الا نادر يكون
1- هيونداى ix20 هتكون حلوه ركبتها عربيه تحفه فعلا وعاليه بس مش اوى يعنى بس تحفه اعلى فئه الى فيها سقف بانوراما ونفس الكماليات الى حضرتك طلبها العربيه دى هتعمل فى حدود 145000
2- كيا سول عربيه حلوه واوبشن حلوه برده عاليه عن الارض بس مش اوى العربيه دى التوب لاين اعلى فئه عمله 140000
3- رينو داستر ال 4*4 اعلى فئه عمله 135000 بس عربيه تحفه وقويه بس لو يعدلوا فى شكل الشنطه عشان مش حلوه اما من الامام وحش
دى العربيات الى فى رينج الكورولا وعاليه وكماليات فى نفس الوقت ولك حرية الاختيار وشكرا  |
الف شكر على سرعة الرد والاقتراحات المميزة
لكن انا كده بقيت محتار تانى بين الافانزا اللى هى مش موجودة غير فى مصر انا مشوفتهاش فى السعودية ومعنديش فكرة عنها وازاى تويوتا تنزل حاجة فى مصر افضل من السعودية اكبر مستخدم للسيارات التويوتا فى العالم مش ده يعطى شوية شك فى العربية ومحتار فى الداستر كمان خاصة انى بحثت فى المنتدى وشوفت نها مميزة فى نفس فئتها السعرية ولم تذكر حضرتك عيوب او مميزات فيها انا عارف مميزات التويوتا الجبارة لانى باستعلها حاليا لكن الافانزا مشوفتهاش وعندى قلق من الكورى يمكن من الصاج الخفيف والكلام ده والاتزان ووسائل الامان مش عارف بس بشوف الكيا والهونداى اليومين دول ماليين الشوارع فى السعودية بس ارجع واقول ده لانها رخيصة وعض السعوديين اليوم اصبحوا من الفقراء ويعانوا من البطالة مثلنا فى مصرجايز اكون غلطان بس من 5 سنين ركبت اكسنت محسيتش بيها خالص كانت سيارتى عطلانة واستأجرتها حاجة خفيفة ومبلاقيهاش فى الزنقة لما اكون مستعجل ومش مطمنلها فى التوقف
وهل لديك معلومة عن فرق الراحة فى السفر بين الداستر والافانزا انا سألت هنا فى جده عن الداستر بس اللى بتنزل هنا فى افضلية الخليج 2000 سي سي "الجمارك " طبعا اتفحت فى الجمارك لكن فى مصر 1600