[حازم شاهين]

إتصال من رقم غير مسجل عندى

ألو
ألو أيوه معلش أنا شحنت للرقم ده 100 جنيه بالغلط
نعم ؟؟؟ بس أنا أصلا فاتورة....
أه بس هتوصل لحضرتك يا فندم
على العموم مفيش حاجة وصلتلى ...لو وصلت هبقى أردهملك
يا ريت حضرتك تجيب كارت بمية و تملينى رقمه
أوكى لو وصلى شحن هردهولك
كتر خيرك ..شكرا
العفو .. مع السلامة

بعد دقيقة رسالة برصيدى الذى أصبح 235 جنيه
قرأت الرسالة باندهاش !! لإن الراجل قالى 100 جنيه فقط و أنا أصلا فاتورة يعنى معنديش رصيد سابق

بعد ثوانى إتصال من نفس الرقم الأول
ألو
أيوة يا فندم وصلك الرصيد
أيوة وصلتنى رسالة
طب ياريت حضرتك تملينى أرقام كارت بمية جنيه
طيب حاضر بس ممعييش كارت بميه حاليا
معلش ممكن تبعت أى حد يجبهولك أصل أنا سنترال و هسلم الوردية و صاحب الشغل هيحاسبنى ... علشان ما تضرنيش
بس أنا معنديش حد يجيبلى الكارت دلوقتى و أنا نايم ... كمان ساعتين إن شاء الله
بس أنا كده هتضر
معلش بس أنا مش هقدر أجيب الكارت دلوقتى ... ما تخافش مش ههرب منك
طب هتصل بحضرتك بعد نص ساعة
ربنا يسهل
يا ريت بسرعة و النبى
إن شا ء الله

كنت قد قررت أن أذهب لموبينيل للإستفسار عن الموضوع كله و صحته و كيفية رد المبلغ
ثم قررت الإتصال بخدمة العملا و لم يكن تفكيرى فى البداية لقلة تعاملى معهم
خدمة العملا قالولى إن ممكن يتحول ليك رصيد و إنت خط بيزنس و تستخدمه فى المكالمات الدولية و علشان تتأكد من رصيدك إتصل بـ 1010 و عموما رسائل الرصيد بتبقى مرسلة من موبينيل نفسها مش من أى رقم تانى

رجعت للرسالة لقيتها جاية من رقم عادى
إتصلت بـ 1010 لقيت عندى رصيد فعلا بس فقط 5 جنيه

إتصال أخير من نفس الرقم
الو
أيوة يا فندم أنا السنترال
أيوة أنا إتصلت بخدمة العملا و قالولى مفيش كلام من اللى بتقوله ده
بس الرصيد إتحولك
لا قالولى الكلام ده غلط
الرصيد إتحولك
معنتش تتصل تانى
.
.
.
قطع الخط