سؤال يا جماعة
إزاي تعرف العربية مغيرة نص
هل بتكون اللحامات واضحة ولا بيكون كاتب رقم الشاسية على القايم ولا إيه بالضبط
|
بالعين المجرده استحاله تتعرف
حتي رقم الشاسيه بيقطعوه من النص البايظ و يتلحم في النص الجديد
و يتصنفر و يترش حته بسيطه علي قده ولو بوهيجي محترف يبقي من الصعب تبان لاي حد
ممكن العربيه لما تترفع في المشحمه تبان من تحت و ممكن لو سمكري نضيف مش تبان
بس حقولك علي كام حاجه جايز تعرف منها العربيه اللي مغيره نص من بره
يعني طاره الدركسيون ممكن ما تبقاش نفس الشكل لان الاستيراد بتفرق ساعات بينها و بين العربيات
اللي بتتباع في مصر و التابلوه تلاقي شكله اقدم او احدث من موديل العربيه و لون التابلوه نفسه
و فروقات الابواب برضه بتلاقي فيها ولو اختلال بسيط
و ممكن تلافي فيه بويه سايله علي القوايم الداخليه
يعني فروقات ممكن تبان و ممكن تكون مختفيه.
بس لو سمكري شاطر زي ما خالد باشا بيقول كده ممكن يطلعها في ثانيه
لو العربيه اترفعت في مشحمه