رد: ممكن اعرف رايكم علي السيارة ليفان 320 ميني
العربية معايا
من شهر 3 / 2010
عاملة 40 ألف كيلو حتي الآن
وخدت خبطتين محترمين .. بينتلي وأكدتلي مدي قوة وإحترام صاجها وهيكلها فعلا
ومازالت خامتها وحالتها بحالة ممتازة كأنها جديدة والعربية في المجمل
ماشاء الله طلعت معمرة وفعلا صفقة رابحة
الكل كان بيقول صيني وهاتتهلك بعد سنة بالكتير ومش هاتعيش ومش
هاتلاقي قطع غيار وماحدش هايشتغل فيها بره ولا هايفهملها
وكل الكلام ده طلع هجص
الأسعار متوفرة في التوكيل بأسعار معقولة
وبروح أشتريها وبعمل كل شغل العربية بره عادي جدا والناس فاهمة فيها وماهياش معقدة
مثال بسيط علي الأسعار
زجاج باب يمين أمامي .. 60 جنيه
طقم تيل فرامل كامل خلفي وأمامي .. كلفني 400 جنيه علي ماأفتكر
فلتر زيت .. 25 جنيه
فلتر هوا .. 30 جنيه علي ماأفتكر
لمبة الإيرباج نورت .. رحت التوكيل ظبطوها علي الجهاز وحلو المشكلة .. ودفعت 20 جنيه بس
__________________
 Shehab Ismail
Propaganda Admin
@
SAGA EGYPT CLUB - FaceBook |