شوف ياسيدي.. أنا ولله الحمد لسه مستلم اللوجان أوتوماتيك من أقل من 24 ساعة.
روحت بيها كام مشوار وبالليل وأنا مروح قلت أشغل تجربة, شغلت على أول سرعة, التبريد كان كويس جدا وسريع (مع العلم الوقت كان ليل والدنيا مش حر, عادي يعنى) والتأثير على السحب لايذكر. مع العلم كنت أنا وواحد صاحبي وأنا لوحدي أوزن فردين (طول بعرض)
بس ده مش مقياس قوي, يعنى لو فيه حد جرب ظروف تشغيل أصعب (عز الصيف بالنهار مع الزحمة) ممكن تكون تجربتة أوقع وتفيدك أكتر, بس عموما الأداء عجبني وإطمنت إن مفيش مشاكل في التكيف محتاجة لضبط (زي الرجة إللى قابلت البعض وكان حلها ضبط ضغط الفريون فى التوكيل) والحمد لله.
وإن شاء الله لما أكون إنطباع عام عن العربية خلال الأيام الجايه هعمل تقرير عن تجربتي معاها.