وانا كنت مسافر النهاردة رايح كفر الشيخ والمفروض ان سرعة الطريق المحددة 90 كم
وانا طول الطريق ماشى فى الحدود دى
وبعدين دخلت على الطريق الدولى الجديد اللى لسة عاملينه معلهوش عربية واحدة توحد ربنا !!..قلت افتح بقى شوية عشان ننجز فى الليلة دى...قررت انى هزود لحد 120-130 كدة ..ولسة يدوبك عند ال100 لقيت لجنة !!
طلعت جت منين دى متعرفش ..وعربيات كتير ممسوكة فى اللجنة دى !! ..جت منين العربيات دى برده معرفش
لقيت الظابط بيقولى الرخص واركن على جنب وانزل..تقريبا كان موقف بتاع 6 عربيات !!
وقالى عليك مخالفة سرعة 98 كم !!..قلتله هى السرعة المقررة كام قالى المفروض 90 واحنا بندى حد اقصى 95 ..قلتله هى حت على ال3 كم دى ..ده كمان فى ناس معايا اتاخدوا مخالفة 110 واكتر !!
وبعد جدال كبير قالى ياما هنسحب الرخص ياما تدفع ال150 دلوقتى ياما لا ده ولا ده وهتتحولك على مرور القاهرة على رخصة السيارة تقريبا بس هتبقى 1500 جنيه !!
دفعت ومشيت..والغريبة انى فؤجئت ان اللجنة جنب الحودة اللى هدخل منها على طول على بلدى !!يعنى جت على اخر لحظة واتمسكت
امال ايه بقى الناس اللى بتطير على الدائرى والاوتوستراد اللى بتجيب 180 وناس كمان بتقفل العداد !!!
دا انا لسة بقول ياهادى وبفتح اتمسكت واول مرة فى حياتى وحتو عمر ما كان فيها لجان !!!