المشاركة الأصلية كتبت بواسطة farouk89
سيد باشا صباح الفل يعني انا اخليها كده عادي واتعود عليها ولا الاحسن اني اخلي السلانسيه واطي عشان تريحني
|
بص يا استاذ فاروق عند حضرتك دلوقت السلانسيه واطى فالافضل تخليه واطى زى ما هو وتتعود عليه كدا علشان بعد ما تعرف تسوق كويس بالطريقه ديه وانك انت اللى تتحكم بالعربيه كويس ممكن تلاقى نفسك بتسوق اى عربيه بعد كدا لان مش هيهمك بقى السلانسيه واطى ولا عالى عادى بقى انت اللى هتعرف تتحكم فى عربيتك بنفسك بس لو اتعودت انك تسوق العربيه ولازم يكون السلانسيه بتاعها عالى بعد كدا هتيجى تسوق اى عربيه لازم تعلى السلانسيه وهتبقى مشكله فتعلم على الصعب الاول علشان يبقى كل حاجه معاك سهله وعلى فكره اصعب مره هتسوق فيها فى حياتك هى اول مره خالص لما تبقى لوحدك عارف حضرتك اول مره اسوق فيها عربيتنا كانت فى شهر سبعه اللى فات وكانت فى الجراج وكنت كل ما احاول اطلع بيها تبطل اتارى كان فيه طوبه تحت العربيه هههههههههه ومكنتش اعرف انى لازم ازود بنزين علشان اطلع من الطوبه هههههههه والناس قعدت تضحك عليا واللى يقولى انت اول مره تسوق دلوقت ههههههههههه وبصراحه كانت اجمل سواقه فى حياتى وكنش معايا رخصه لانى كنت لسه عندى 17 سنه ومتمتش ال 18 وكنت مره داخل على لجنة فى كوبرى المنيل وما ادراك اللجنه ديه وكنا الساعه 2 بليل والعربيه المروحه بتاعتها كانت بايظه وعداد الحرارة عالى ههههههههههه ودخلنا على اللجنه وركبنا بتخبط على الجيران بس فلتنا لان كان معايا ساعتها اهلى والعربيه كانت مدروزه ههههههههههههههههه والله فكرتنى باحلى ايام دلوقت بقى بسم الله ماشاء الله ولاحول ولا قوة الا بالله الدركسيون فى ايد والاكل او البيبسى فى ايد تانيه بس طبعا مجاش كده جيه انى كل يوم بنزل اسوق وكدا وادخل فى الزحمه علشان ده اللى بيعلم السواقه ولعلمك انا عامل 5 الالف كيلوا سواقه طبعا ذوقت فيهم الويل فلازم تطلع فى الزحمه وكدا علشان حضرتك تتعلم بس لو فضلت تمشى فى شوارع فاضيه يبقى مش هتتعلم وافضل اتعلم ازاى تطلع بالعربيه من حالة السكون بهدوء من غير ما العربيه تبطل منك وان شاء الله هتبقى سويق اد الدنيا