رد: إكسسوار و كماليات السيات الحديث
بص يا باشا بالنسبة للاكسسوار و الحاجات الاصلية الاوريجينال بتاعتها فا دي في التوكيل هما بيجيبوها بس بتاخد وقت حبه
اما لو هتظبط من برا فا ممكن تجيب حاجات اوريجينال بس هيبقي بتاع جولف او كده يعين حربي من اسبوعين كان عنده سبويلر جولف اوريجينال و كده تمام بس طالما انت عايز الاصلي يبقي توكيل و غالي شوية بس طبعا الغالي تمنه فيه مش العك اللي موجود في السوق
بالنسبة للفرش بالنسبة ليا فرشها من جوه جميل جدا و مش محتاج جلد بس نصيحة مني انا عربيتي موديل 94 لو شفت فرشها و احنا في 2009 هتلاقيه حالته يعني 95% لاني علي طول مركبله فرش يبوظ اجيب غيره لاكن الفابريقه علي طول متغطي فا لو حبيت تجيب فرش جلد هاته يبقي حسب لون العربية بقي و يفضل يكون اسود و التوفيقية فيها ناس كتير و عندهم مستويات كتير للكلام ده الرخيص موجود و الغالي موجود انا كنت جبت فرش جلد لل280 بتاعت والدي من هناك كان عايز يديهولي ب 500 او 450 حاجة كده مش متذكر بالضبط اخدته ب 350 منه و الحمد لله بقاله سنة و شهر اهو و ممتاز مبيحتاجش اكتر من التنضيف و شكله جميل جدا و الشمس مأثرتش فيه
و طالما هتستلم الخميس يبقي شرفنا في المقابلة يوم الجمعة بقي نفسي يبقي معايا حد راكب سيات بقي السياتاوية هنا مبيجوش:D
|