رد: احنا الطلبة ؟ عايزين نعرف عمرة الموتور بالتفصيل والخطوات والصور
أستاذنا MR Astra
انا عربيتى 128 وقديمة شويه موديل 1990
الموتور من يوم ما اخدتها من صاحبها وهو زى ما هو
وطبعا تعب
انا مش بشتكى من حاجة محددة
انما عايز اكون جاهز ومحضر نفسى
مش لازم انى اتعلم الشىء لما يحصل ظروفه
انا عايز اتعلم وأكسب الوقت واراكم الخبرات اللى هتعلمانى انت واعضاء المنتدى
علشان لما تيجى ساعة الصفر
يبقى فى دماغى
سيناريو مرتب
خطة محكمة
ترتيب افكار
جدول مسبق
للعمرة
وانا ناوى على العمرة خلال 12 شهر من الان بإذن الله عزوجل حتى لو العربية ما اشتكتش انا ناوى على العمرة من باب رحمة الالات والمعدات والرفق بها
فى انتظار انك تعلمنى وتعلم كثير غيرى
وما تنساش اجرك من ربنا عظيم
وكلنا فى المنتدى هنفضل نرجع للموضوع ده دليل ومرجع لكل باحث على النت عن العمرة فى الموتور
هنعتبر مجازا ان الموتور كبسه ضعيف وتعبان وخفيف ولازم عمرة
او ناخد براى الاخ العضو Mayo car ونبدا بطقم شنبر
لانى والله ما اعرف اصلا يعنى ايه طقم او حتى كلمة شنبر
نبدأ باللى تحبه
وأسف انى بتقل عليك قوى وبشغلك وبضيع وقتك
سامحنى
انما انت بالنسبة ليه ولغيرى من الباحثين عن المعرفة
كنز
لانك عندك الخبرة والمعلومة والنصيحة والملاحظة
فى اهم موضوع فى مصر كلها
عمرة الموتور
وانا فى انتظارك
وكلنا فى المنتدى عايزين نتعلم
|