المشاركة الأصلية كتبت بواسطة samehsilim
عايز اشترى عربية جديدة
بيجو 508 high line 240,000
ولا
كيا سبورتج high line 230,000
(210,000 after 4-6 months)
ولا
بي ام 316 base line 240,000
ولا
بى ام مستعملة 320 موديل 2010 او 2009 ممكن تكون حوالى 180000 - 220000 على حسب الحالة
|
الاخ العزيز سامح سليم أحب احييك الأول وبعدين نيجي للتحليل للعربيات اللي اخترتها خلينا نبداء بالسبوتاج علشان نخلص منها ونخلص منها دي فعليا لانها جسم فيل على عقل نمله زي مابيقولوا جسم العربيه كبير وهيا 1600
يعني اعاقه متحركه محرك 146 حصان على ما اعتقد ياعمي خليه 156 حصان الكيا محركاتها مش باور عالي يعني وهيا هنا في دبي 2400 ومش قد كده تخيل ؟؟؟؟؟؟؟؟؟؟ ثانيا كمالياتها وخاماتها خش جواها والنبي جوه وشوف الخامات من بره بس شكل حلو ومنظر بس عمليا انسى ده عملي نيجي للبيجو 508 شفتها هنا عربيه موثوق منها ثباتها ممتاز على شاسيه وقاعده عجلات نيسان مكسيما يعني حاجه فل كماليات قويه واسعه امان ثبات محرك 1600 156 حصان تيربو ده اللي هنا لو في مصر كده يبقى فل لو 123 حصان صدقني برضوا بيجو خامات ممتازه تابلوه معاد تشكيله بالكامل نيجي للبي ام انا علشان بحب الألماني وعندي الماني هكون منحاز ليها بس بجد يعني دي بي ام ب شوف مستعمل نظيف اوي وانسى شوف اللي يقولك قطع غيار مش منتشره وغاليه البي ام منتشر بس غالي بس في حاجه انتا مش راكب هيونداي
ياباشا انا عندي جيب مرسيدس وبمرمطها سفاري وهياس وفيييييييييين وفين لما بغير حاجه يعني حط القطعه وانساها وبعدين انتا راكب بي ام شوف الناس بتبصلك ازاي الكيا هتلاقيها صاجها طبق بعد سنتين وهتقرف منها استبعدها تماما يا بيجو يا بي ام يا اخي روح المعارض وخش جوا بس الصالون في التلاته شوف الفرق هتعرف لوحدك انا برشح البي ام ثم البيجو السبورتاج مقلب لو عاوز جيب خد التيجوان احسنلك صدقني