[Felefel Ahmed]

السلام عليكم (المجيب هو الله فقط)
فيه اسباب كتير تخلي التكييف يفضي (انا هتكلم عموما علشان انا مجربتش الأوبل)
اول حاجه تعملها انك تروح لبتاع تكييف بيضغط هواء فى التكييف ويشوف لو فيه تسريب أو لو فيه مشكله فى الكمبروسير
اشهرهم
- السربنتينه تتخرم من طوبه صغيره جدا (الناس أللي بتسافر كتير)
الحل انك بتحل السربنتينه عنده بعد تحديد مكان الخرم وتلحمها فى ورشه لحام وترجع يشيك تانى بالهواء وبعدين يحوط الفريون

- السربنتينه بتكون مش مربوطه صح (فى المره أللي فاتت) فتتهز وتتحك من طرفها فى الريداتير أو بودي العربيه وطبعا نفس الخطوات اللي فاتت (تحلها وتلحم وتركب وتشحن)

- بيكون فيه تسريب فى بلف الفريون (بيشيك عليه بالصابون ويغيره و يشحن فريون وانت عنده)

- خرم او شق فى مواسير الفريون (نفس أللي فات) بس ممكن تتعطل فى قطعه الغيار

- سير التكييف بايظ أو بليه شداد السير مقطومه (هنا بتغير البليه بالشداد طبعا وبيكون الفريون سليم) فى حالتك فيه هواء سخن طالع يعنى السير سليم والبليه والشداد ايضا سلام)

- ابعد المشاكل ان الكهرباء بتاعت العربيه مش بتقوم الكمبروسور بتاع التكييف بالتالي السير بيشتغل اكنه مروحه بس من غير تكييف

يارب اكون افدتك