المشاركة الأصلية كتبت بواسطة asaadawi
السلام عليكم يا أستاذ أمير
والله أنا آسف
من زمان مادخلتش الموقع وماشفتش رسالتك غير دلوقتي
الحمد لله رب العالمين وشكرا لك
بصراحه العربية ممتازة
عفشة وسحب واستهلاك بترول وفخاكة وثبات ع الطريق وامكانيات وتوكيل محترم
ومدير المبيعات الاستاذ خالد اكثر من رائع
والاستاذ حاتم كمان
كل اللي هناك محترمين
في صيانة الألف زعلت واتعذبت لان مهندسين الصيانه بيكبروا مخهم
يسمعوا كلامك من ناحية ويطلعوا الكلام من الناحية التانية
بس المهندس خالد نزل معي وراح بنفسه معي للمهندسين وعاتبهم
ووعدني بإن كل ملاحظاتي هتتنفذ المرة الجايه
وشكرا لك لانك اهديتني نصيحه سليمة وصائبة ومخلصة
فعلا العربية ممتازة ومبهره
وعشان كده العين شغاله
كل شوية تيجي خبطه في العربية
الزجاج انكسر وقالوا لي في التوكيل انه ب 880ج
وقابلت في الصيانه شخص من حلوان قالي لي هو نفسه بتاع الكورولا ونفس التصميم وب 360ج بس
وهو استعمله بنفسه ومركبه ع عربيته ماتفرقوش من الاصلي
وكمان جات لي خبطة في شنطة العربية
بس مش هاصلحها الا في التوكيل عشان متبقاش عربية ع الزيرو وراشه شنطه
غير عيال الشارع رايحين جايين يلونوا في العربية
وربك يستر
تحياتي واشواقي ودعواتي لك
ونصيحتي للجميع بشراء السيارة
بس ارسلوا لي الاول عشان انصحكم تروحوا فين وتعملوا ايه
وشكرا لك تاني يا استاذ امير
اخوك احمد
|
الاستاذ أحمد
يا رب تكون فى أحسن حال...
بعد قراءة الموضوع الخاص بالسيارة ليفان 620 و اراء أصحاب السيارة فى أدائها استوقفنى تعليق حضرتك بخصوص ثمن الزجاج الخاص بسيارتك فلذلك أردت التوضيخ بخصوص هذا الشأن ..
التوكيل يوفر نوعين من الزجاج للسيارة ليفان 620
الاول: الزجاج الاصلى للسيارة و هذا تكلفتة 390 جنية مصرى (غير شامل ضريبة المبيعات)
الثانى: نوع زجاج محلى و هذا تكلفتة 330 جنية مصرى (غير شامل ضريبة المبيعات)
يشرفنا دائما التواصل مع عملائنا لتزويدهم بالمعلومات اللازمة من المصدر الرئيسى .. كما يسرنا استقبال استفساراتكم و اقترحاتكم لتطوير الخدمة المقدمة لسيادتكم...
مع خالص تحياتى...
(فريق التواصل الالكترونى - السعودى جروب الوكيل الوحيد بالسيارة ليفان فى جمهورية مصر العربية)