رد: اشتريك لانسر كرستالة
الحكاية انا بقالى اكتر من سنة عايز اشترى عربية بس كنت مستنى الفلوس تدبر
وقرأت وسمعت وشوفت حاجات كتير عن العربيات
وقارنت بين عربيات كتير فى نفس رنج الاسعار
بصراحة وصلت اخيرا انى اجيب اللوجان كسر زيرو بين الخمسين والستين الف
لكن رجعت تانى للكرستالة
وفضلت ادور على كرستالة كويسة وروحت كتير سوق الاربعاء عندنا فى المنصورة
وكذا معرض برده
على كام زبون بيتى
والعربيات الكرستالة شوفت فيها اسعار من 38000 الى 52000
حسب حالتها
وبعد مازهقت من الاسواق روحت دمياط الجديدة ولفيت فى معارضها وشوفت كام كرستالة بس ياما حالتها مش كويسة ياما سعرها عالى عليها
المهم لاقيت فى معرض كرستالة سودة موديل 2000 حالتها حلوة رشة جنب باب شمال ورا على اكصدامين مانيوال وكانت مجنته اسبور وفيهم جنت ناقص عاده المهم قولنا مش مشكلة
بكام ياعم 48000
طيب تنزل 1000 لا يمكن
طيب هاتلنا الجنط اللى ناقص مليش فيه
المهم مرداش ينزل جنيه
قولنا طيب احنا هنشوف نفسنا ولو كدا نعدى عليك بكرة
وجهزنا 40000 من الفلوس وروحناله نفاصل معاه على اساس بنخلص مفيش
قولنا ماشى بعد ماقلنا ماشى قال عايز عمولة المعرض
مش فاهمين ياعم
قالنا العربية بتاعة معرض تانى وانا عارضها عندى ودا السعر بتاعه اللى هياخدها وانا عايز 500 جنيه
قولناله بس الموضوع مش موضوع 500 جنيه الموضوع ان دا مش اسلوب بيع وسلاموا عليكوا
معلش نكمل بكرة عشان الحكاية طويلة وانا طلع عينى والله لما خلصت العربية دى
|