المشاركة الأصلية كتبت بواسطة أبو عبد الرحمن
الفرق يا إخوة إن دي حيلة ربوية، أنا عايزكم تقولوا لي إيه الفرق بين إني آخد قرض من البنك وأروح أشتري بيه عربية من أي معرض وأسدد القرض بفوايد، وبين إني أشتري العربية من المعرض وأروح أدفع للبنك ؟! مش هيا هيا برده ؟
أنا قلت في أول الموضوع إن سبب الحرمانية هنا هو قول النبي -صلى الله عليه وآله وسلم-: (لا تبع ما ليس عندك)، فالبنك لو المفروض انه هو بائع السيارة وهو اللي بياخد الأقساط فإيه علاقة المعرض بالموضوع ؟! محدش يقول إنه عامل زي الجراج !! لأن ده كلام مش معقول، المعرض هو صاحب العربية الأصلي مش البنك، بس انت لما بتتفق معاه أو مع البنك على شراء عربية، يقوم البنك دافع تمنها كاش للمعرض عشان تدفع انت المبلغ مع الفوايد ! ولو راجعتم الفتاوى اللي في أول الموضوع هتلاقوا حاجة زي كده.
وآخر الكلام، الرسول -صلى الله عليه وآله وسلم- بيقول: (دع ما يريبك إلى ما لا يريبك)
وفقكم الله
|
سيدى الفاضل انا عندى تعليق من وجهه نظرى هو مهم على كلام حضرتك فى النقطه اللى قلت فيها (لاتبع ما ليس عندك)الكلام ده حقيقى وفعلا وجهه نظر زميلنا اللى بيقول ان المعرض اشبه بجراج كلام منطقى جدا
انت بتشرتى بالتقسيط من البنك والبنك بيبيعلك ما عنده لانه بيشترى العربيه ويبيعهالك باعهالك كاش باعهالك تقسيط هو حر
انا معتقدش انى لو اشتريت عربيه وبعتها لاى حد سواء كاش او قسط هتبقى حرام (انى اكون تاجر ده مش حرام)(او زى ما كان فيه نظام زمان هو الدلاله اللى بتشترى الحاجه وتبيعها للناس بالقسط وتاخد هامش ربح) معتقدش ان ده حرام لانى ببعيع حاجه بتاعتى (العربيه البنك بيشتريها وبتبقى بتاعته بس طبعا مفيش بنك هيحطلك العربيه فى مقره لازم تاخدها من المعرض)وبالمنظر ده احنا ممكن نعتبر ان المعرض ده مجرد معرض وانى مبتعاملش معاه فى اى حاجه لان كل تعاملى مع البنك انا ممكن كمان اروح عللى طول للبنك واطلب انى اقسط عربيه معينه بنظام معين وهما يتصرفوا بقى ويجيبولى معرض اخد من عنده العربيه بس لكن انا لا هدخل المعرض ولا هعرفهم ولا ليا بيهم اى علاقه غير انى باخد منهم العربيه بس يعنى المعرض اشبه بالامانات اللى بتبقى فى اى مكان مش اكتر من مكان البنك حاطط عنده العربيه
دى وجهه نظرى وارجو ان محدش يتضايق منها