المشاركة الأصلية كتبت بواسطة m.e.y
استاذ هيثم معلش انا اخونا الكبير وبنتقل عليك
انا عايز أسألك على حاجة العربية 406 موديل 2002
العربية سواء مشيت صبح ليل صيف شتا حر برد
الحرارة لازم توصل للـ 90 بالظبط والحمدلله بتقف على كدا
فا هل دى الحرارة العادية ومفيش منها خوف ولا كدا تقلق ؟؟
وهل احطلها مياة كل فترة معينة ولا وضعها ايه ؟؟
|
وظيفة دورة التبريد وبالذات المراوح والثرموستات هى الحفاظ على درجة الحرارة عند حد معين فى جميع ظروف تشغيل السيارة (سواء مشيت صبح ليل صيف شتا حر برد) وفى اغلب الموديلات بيكون درجة الحراة المعينة هى 90 درجة سيلزيس
ودة الطبيعى جدا.....
ورغم إن دائرة التبريد فى الموديلات الحديثة هى دائرة مغلقة لكن يفضل إسبوعيا انك تفتح غطاء القربة والسيارة باردة تماما وتبص على مستوى المياه وبما إن القربة عندك سودة تماما فحاول تملى المياه لغاية قبل الاخر بشوية