[s.s.e]

والله اللى يقدر يقول النصيحه ممن يمتلكونها سواء مانيوال أو أتوماتيك ........لدرجة أنى كنت عايز أأجر الأتوماتيك منها ملقتش حتى أحكم عليها بحياد، أنا لقيت بالصدفه باندا مانيوال عندى فى حلوان سمسار عارضها موديل 2010 عدادها 44 ألف كيلو عايز فيها 35 ألف ج فصصتها. العربيه فابريكه من الدخل ومن الخارج ومركبلها جنوط بس لاحظت أن الأكصدامين الأمامى والخلفى مقشر البويه تعبانه مع أنها موديل 2010 بس لأسف مانيوال كنت هجربها منه.

كان فى واحد واقف مع السمسار بيقولى أنت جربت الأتوماتيك بتعتها قولتله لأ
قالى: أنا جربتها والأتوماتيك فى كل غيار بتروح وبترجع مع كل غيار.
قلتله: قصدك فى نتشه. (بتروح وبترجع بترد الروح يعنى......فى سرى!!!)
قالى: قالى ممكن.
الخلاصه: العربيه على ما أستنتجته أن صاحبها طالب فيها 30 ألف ج والبهوات عايزيين زياده 5 الأف وبالطريقه ديه مش هتتباع.........والراجل اللى قالى ساق الأتوماتيك لا طلع ساقها ولا عمره ما شفها غير المعروضه أمامه عايز يلبسنى فى ديه وخلاص.