[Mahmoud Sayed]

السلام عليكم ورحمة الله وبركاته

أنا معايا سكودا فيلشيا كومبي مو 97 وبأحطلها بنزين 80

إمبارح ونظرا لأزمة البنزين الحالية رحت مونت من محطة غير اللي متعود إني أمون منها وأنا عارف إن البنزين بتاعها عليه كلام

المهم فولت التانك ومشيت ... وفجأة العربية بطلت وأنا ماشي على سرعة متوسطة . رحت مدور تاني ومشيت وكل شوية أول ما أرفع رجلي من على دواسة البنزين العربية تبطل . قبل أي مطب أرفع بنزين وأمور وأفرمل ألاقي العربية بطلت

ورحت بيها مشوارين بعد كده وطبعا آخر عكننة كل ما أرفع بنزين أو أفرمل تبطل مهما كانت حرارتها ومهما كانت سرعتها

قلت أكيد البنزين هوا السبب ونويت أنضف الكاربيراتور وأغير البوجيهات

وبعدين وأنا ماشي بيها ومعايا العيال في العربية جتلي فكرة تخليها ماتبطلش . قلت أنا أفضل دايس بنزين خفيف ولو حبيت أهدي أفرمل برجلي الشمال (طبعا أنا عارف إن ده غلط) بس كنت خلاص بأة جبت آخري من التبطيل والدوارة كل شوية


وإذ فجأة لما عملت الحكاية دي مرتين العربية راحت مترجرجة كده شوية وبطلت . دورت ومشيت ولقيتها زي الفل مابطلتش تاني خالص حتى لو على السلانسيه


مش عارف بأة إيه اللي حصل بالضبط هل حد منكم عنده تفسير؟