المشاركة الأصلية كتبت بواسطة ahashem
بص نصيحة متغيرش ارتفاع الكوتش من 45 ل50 مش هتفرق كتير , خليك فى المتظبط للعربية علشان العفشة مش ناقصه , ولو الشركه كانت شايفة انه كويس للعربية كانت ضافت مقاس 50 كمان ز
بلنسبة للاسعار:
كومهو W91 هو اعلى شوية من اللى راكب عندك ( بيستحمل سرعة اكبر و وزن اكبر ) وده الفردة 580
نيكسن W91 تقريبا 600
نيجى لليابانى على فكرة دول W96:
Toyo وده ب 750
Yokohama وده 850
Bridge stone وده ب 960
بص لو انت قريب من مدينة نصر عندك فى الحى السابع قدام سور جامعة الازهر اكتر من عشر محلات كوتشات و خد بالك من تاريخ انتاج الكوتش بيبقى مكتوب على الفرده زى مثلا (4611) يعنى تقريبا انتج شهر يونيو 2011
ونصيحه قلهالى واحد بتاع كوتش عنده كل اللى قلتلك عليهم فوق مبتفرقش مع الجنت 17 كله حيعمل
بلالين المهم سواقتك انت ( انا مثلا عملت معايا بلالين بعد 11 الف) المهم انت بتسوق ازاى
نصيحة تانية ابعد عن الرومانى ... ناس كتير اشتكت منه انه بيخزن الكوتش بطريقة غلط بتخلى الكوتش معوج و فى ناس قالت انه بيبع كوتش انتاج قديم ..... ده مش كلامى ده لما عملت بحث فى النت عن الرومانى لقيت الكومنتات دى عنهز
اتمنى اكون ساعدتك  |
تسلم يا باشا ، انا رحت المحلات اللى جنب اشرفكو ، و الاسعار قريبه من اللى انت قولته . بس انا لسه محتار اجيب نفس المقاس ولا ازود شويه . ومحتار اجيب كومهو ولا نكسن؟