[bebonet]

السلام عليكم
إخوانى الاعزاء
تأخرت قليلا على المنتدى
بسبب مشروعى الجديد إصلاح الكبالن
واليوم كان لدى وقت مستقطع (فراغ) ههههه

قلت لنفسى بما ان عقلى لايفكر فى شىء غير
الكبالن هذه الايام
وبما ان مشروعى على وشك الانتهاء
وهو عباره عن عياده شعبيه
لاسترجاع الكوبلن بحالة المصنع
وبمناسبة وداع مشاكل الكوبلن بعد الان
قلت لنفسى يجب ان
اتشاور مع اصدقائى
فى مشاكل الكبالن وحلولها
1-ممكن تشترى كوبلن جديد ومايكملش معاك سنه صح
وطبعاً انت اول ما الكوبلن يعمل معاك صوت طقطقه هاتتبع التعليمات وتنزل تحت العربيه
عشان تشوف الكاوتشه

وممكن جداً تلاقى الكاوتشه سليمه
بس صوت الطقطقه عمال يزيد
والحل معروف هو انك تروح تخلع الكوبلن اللى انت لسه شاريه
وتشترى كوبلن تانى
وطبعا انت مش هاتغلط نفس غلطتك الاولى
يعنى لو انت اشتريت كوبلن صينى
المره دى هاتشترى الاصلى
او اللى قبل الاصلى بشويه
ومش هاتقرب من الصينى
لانك اتلدعت منه
وتركب الكوبلن الجديد
وتحس ان خلاص الصداع بتاع الكبالن راح
بس بصراحه طول ما انت فى مصر
الصداع مش هايروح
لان الكاوتشه اللى انت لاقيتها
مش بايظه والكوبلن لاقيته متشحم ومافيهوش حاجه
بس الطقطقه بتزيد
لسبب صغير جداً الفينيش
أييييوه الفينيش
لان الشركات اللى بتصنع الكوبلن
مش بتفنش الحديد
والكلام ده انا متأكد منه وأتحدى
بتسيب الاجزاء التى تم تفريزها
سن حى
طبعاً مقاسات الكوبلن من الداخل وخلوص
البللى بتبقى مظبوطه 100/100
العيب الوحيد هو انه لا يتم تنعيم الحواف
الملامسه لبعضها البعض
وبذلك يحدث التآكل
السريع للأجزاء
والتآكل ينتج عنه بوش
والبوش هو عدو الحديد والحركه
وينتج عنه
تخبيط وطقطقه وحراره
وكل ما تشتهى الانفس
حتى لو الكاوتشه سليمه
والكوبلن غرقان شحم
والحل بسيط وصعب

(السهل الممتنع)

هو انك قبل ما تركب الكوبلن الجديد
المفروض انك تفكه
وتعمله الفينيش بأديك
إزاى
صنفره رقم 100
يعنى متوسطة الخشونه
وتصنفر الشبكه الحامله للبلى
وتصنفر حواف مجرى البللى
وبكده انت ها تضاعف
عمر الكوبلن
بس مين اللى يقدر يعمل كده
هى دى المشكله
واللى مش هايقدر يعمل كده انصحه

لا يقراء الموضوع
عشان ما يحنسش نفسه
زى اللى شاف
حمص ولا كالشى

طبعاً الكوبلن فيه حاجات كتير
بس الوقت الستقطع خلص
سلام