هو السؤال اللي بيطرح نفسه
عشان الشخص اللمسلم يقال عليه مسلم او مؤمن لازم بتنكر للاسلام ؟
لازم يزيل اي أثر او ملامح اسلامية عشان نقول عليه ده مخلص
يعني باختصار عشان واحدة مثلا نحكم انها مخلصة لله (لان العلاقة بينها وبين ربنا لازم تكون في السر ) لازم تقلع الحجاب ؟
هتقول ان الدين مش بالمظهر وبس
طيب معاك في الكلام دة هو الدين في مختلف جوانب حياة الفرد اية المشكلة انه يحاول في كل حاجه
مثلا كذاب ومش ملتحي وسارق
ابتدا يلتزم
ربي دقنه واعتقد معروف ان الالتزام بالمظهر مش سهل برضة والوساوس اللي بتيجي للانسان كتير جدا
وبعدها بطل سرقة لكن لسة كذاب خلاص بقي شايفين الكذاب الملتحي ( لا تكونو عونا للشيطان علي اخيكم
الكمال لله وحده
مينفعش نهاجم علي فلان وبما انه ملتحي اذن له عصمة الانبياء فلان بيتكلم بالدين لانه شيخ اصلا
يبقي نقول هو فاكر نفسه مسلم واحنا خارجين عن الملة لأ هو بيتكلم بالاسلام لانه هو دة اللي درسه وحفظه وكلامه لا يحتمل النفاق او الرياء
زي مصري متربي في امريكا كل كلامه نص انجليزي ونص عربي تلاقي اللي بيتهكم عليه ويقوله النبي عربي طيب هو اتربي كدة يعمل اية طيب ؟
اتكلمت كتير معلش
ايا ما كان المرشح مين
مش بعد الترشح نفضل نبص بعين الانتقاد
اولا هو خد منصب صعب جدا وعليه مسؤلية عظيمة
زي جحا لما سألوه سؤال ومعرفش يرد قاله لابس كل العمامة دي ومش عارف ترد كان رده انه خلعها من راسه وحطها علي راس السائل وقاله اتفضل حضرتك رد
ثانيا لازم نفهم ان في مشاكل اكتر من اللي احنا شايفينها زي ما بتروح شغل في مكان جديد حتي لو انت خبير في صنعتك لكن التطبع بقوانين ومعرفة خبايا المكان مهما كان هتاخد منك وقت في الاول
نحاول ايا ما كان نصلح ونصبر وربنا يولي من يصلح
شكرا لسعة صدرك