جزاك الله خيرا علي هذا الحوار
في كلمة قالتها زميلة لية مسيحية عجبتني جدا
لما سألتها واحدة تالتة هو المسيح عندكو هو الله ؟
قالتلها بكل هدوء
انا مش هينفع اقولك زي ما انا فاهمة
قالتلها ممكن انتي في الاسلام 2 يتناقشو في موضوع خلافي لازم يكون القاعدة عندكو واحدة او الخطوط العريضة واحدة وهي الاسلام وعلي اساسها يتم النقاش في حكم الامر
انما انا مقتنعة بمبدا غير مبدئك خالص يبقي مينفعش احنا ال2 نتناقش في الموضوع دة احنا عندنا رجال الدين المسيحي هم اللي ممكن يتكلمو في الحاجات دي انما مش انا
الكلام دة المقصود بيه
ان انا مكونش ضد او بسمع عن فلان وانا واخدة فكرة مسبقة بإن انا كدة كدة مش موافقة عليه او مش عايزاه
انا منتخبة الشيخ حازم لية وعايزاه رئيس دولة لية
انما مش انا كارهة الشيخ حازم لية ومش عايزة اسمع انه مرشح نفسه لية
اولا عشان نبقي متفقين علي شئ
ادي الدستور 50% من جوة المجلس و50% من برة المجلس (انا هحاول احسن الظن واقول انه مش تمثيلية )
والانتخابات الرئاسية سايبينا نروح نعمل توكيلات وننتخب (وبرضة هحاول احسن الظن انها انتخابات فعلا وان في الاخر هيحطو رئيس منتخب بكامل الصلاحيات )
يبقي اصلا احنا بنحاول في المتاح او اللي في ايدينا كون الثورة نجحت او فشلت كل المعطيات اللي ادامنا سلبية وكمان هم معتمدين علي الاحباط وان احنا نفقد الامل في الاصلاح تماما عشان في الاخر نقول اهو اي حاجه نعمل اي حاجه ونحسن اي حاجه في البلد احسن من مفيش ونرضي ب 10% احسن من 0%
وبناء علي فقه بث الامل وحسن الظن بالله يا أيها النبي حرض المؤمنين علي القتال ان يكن منكم عشرون صابرون يغلبو مائتين وان يكن منكم مائة يغلبو الفا من الذين كفروا بأنهم قوم لا يفقهون الآن خفف الله عنكم وعلم ان فيكم ضعفا فإن يكن منكم مائة صابرة يغلبو مائتين وان يكن منكم الف يغلبو الفين باذن الله والله مع الصابرين
يبقي معني كدة ان المعطيات اللي ادامك مش هي كل حاجه الدنيا اسباب اه انما لازم وحتما يكون في قوي من الخالق (لقد نصركم الله في مواطن كثيرة ويوم حنين اذ اعجبتكم كثرتكم فلم تغن عنكم شيئا وضاقت عليكم الارض بما رحبت ثم وليتم مدبرين ثم انزل الله سكينته علي رسولة وعلي المؤمنين وانزل جنودا لم تروها )
يبقي حقيقة لازم نحسن الظن بالله ان انا لما أفضل فلان عشان يتحري احكام الدين وبيحكم الشريعة اكيد ربنا هيأيدني بنصر من عنده
سواء انا مخلصة او لا في كلامي دة ، اكيد اللي هيحاسبني ربنا وحتي ان كنت غير مخلصة ادعو الله ان يخلص لي نيتي
متنكرش حضرتك انك يا ما اتخذت اسباب الدنيا ويأتي ترتيب الله مخالف تماما لترتيبك لأ ويكون كمان فوق ما تتخيل وأحسن بكتير من اللي حضرتك كنت مرتبه
اسبابي ضعيفة وامكانياتي اضعف طب ما في غزوات الرسول صلي الله علية وسلم كان المسلمين دايما عددهم للكافرين كم
غزوة بدر 313 مقابل 950
وغزوة احد 700 مقاتل مقابل 3000
وغزوة الخندق 3000 مقابل 10000
وبغض النظر عن الفوز او الهزيمة لكن انا بتكلم عن المسلمين قبل الخروج للغزوات بيبقو طالعين وهم عارفين ان هم اقل بكثير جدا ومع ذلك يحرص علي الموت طب لية ؟ لان اليقين بداخله بنصر الله عظيم
انا عارفة ان حازم صلاح ابو اسماعيل داخل علي حال للبلد قاسي جدا وامامه قوي ومخربون واعداء لا حصر لهم سواء من الداخل والخارج
يبقي اية اللي هينصره
هنفترض ان هو معندوش مقومات خالص (مع تحفظي علي ذلك طبعا لان انا شايفة ان عنده مقومات كتير وأفضل من الاخرين) لكن اليقين بقوة الله والثقة به والرغبة الصادقة في اصلاح البلد سواء منه او من الاحزاب الموجودة او مجلس الشعب او او او (وربنا يرزقه البطانة الصالحة ) بإذن الله هينجح
لازم نبص بتفاؤل للحياة وبعين الرضا ومعلوم ان سياسة التشجيع افضل من سياسة التعنيف وان ان شاء الله هنبقي احسن بإعلاء كلمة الله وبدون هجوم