[thesward_6000]

بص يابوب صلى عالنبى

اول حاجه موضوع صوت الماتور ده عشان خاطر الترموستات هى الى بتخيلى الماتور دايما فى حاله تسخين لان الجو برد والترموستات حاسه ان االجو برد فبتخلى سلك البنزي يتشد وبالتالى بتخليك حاسس كانك بتسخن العربيه وديه حاجه طبيعيه جدا مفيهاش اى مشكله بص من الاخر زى مالترموستات بتخلى مروحه الرادياتير تشتغل كل ماالموتور يسخن بتعمل نفس الحوار لما الماتور يكون بارد لان فيه مستوى طبيعى لحراره الماتور وهى ف النص ودايما تلاحظ ان العداد لما يوصل للنص لا بيطلع ولا بينزل بعديها الا لو فيه حاجه غلط المهم هو بيعمل كده عشان الترمومستات بتحافظ على درجه حراره الماتور فى المعدل الطبيعى وف حاله الجو الى اللزيز الى احنا فيه ده لازم توصل الماتور لحاله السخونه المطلوبه للمشى فى ناس بتسمى الحاله ديه active mode ان العربيه ماتتخنقش معاك لو كبست بنزين او ماتبطلش منك بسرعه لو غلط ورفعت دبرياش بسرعه كل الحالات ديه لازم الماتور يكون فيها سخن المهم الفكره وصلت وخلاص انا مش هافضل اشرح كتير




تانى حاجه كانت ايه

اه حوار العفشه ده صح زى مالنجم الى قبلى قالك انها لسه جديده بس والعفشه بتبقى ناشفه شويه عشان الاحتكاكات بينها وبين بعضها لسه متعودتش على بعضها ومبدايا كده انت ادامك 1000 كيلو عامل العربيه كانها ابنك ولسه بتمشيه مش تخنق عالناس الى وراك يعنى بس امشى معدل طبيعى اخرك 100 ده اول حاجه تانى حاجه ماتكبسش بنزين وانت طالع مره واحد تالت حاجه اوعى تخمس بالعربيه دلوقتى او حتى تطلع بسحبه ودايما وانت طالع بالعربيه بعد التسخين ارفع الدبرياش الاول ولما تمشى ابقى دوس بنزين واحد واحده رابع حاجه وده الاهم دايما سخن العربيه لما تطلع بيها الصبح

وديه قاعده عامه ويبقى حمار الى يقولك متسخنش الى يقولك انها جديده والكلام ده ف القديم
والى يقولك ياعم اسخن ايه ياعم هو انا شارى جديد عشان اعد اسخن فيه

بص انا هافهمك موضوع التسخين ده بيعمل ايه ف العربيه
تخيل انك صاحى من النوم تفتكر ممكن وانت صاحى تقوم نازل الشارع وتعد تجرى او تنزل البحر وتعوم
نفس فكره العربيه
ماتور حاله ثابته بقاله اكتر من 12 ساعه
وصل لدرجه بروده تحت الصفر
العفشه من تحت تقريبا خدت وضع ان مفيش حمل عليهم وخصوصا ف الجو البرد فالزيت جواالمساعدين تقريبا مترسب تحت وقرب ينشف بالتالى كل المساعدين والكبالن يعتبروا ناشفين جداا والحاجات ديه النشوفيه فيها وحشه لازم تكون مرنه دايما دايما قارن الحوار بنسبه الجو


المهم يعنى العفشه وموضوع الماتور ده على شهر 7 تكون خلصتهم اهو الجو يكون بقى حر عشان صوت الماتور الى مضايقك واهو تكون وصل ل1000 كيلو والعفشه تبقى حلوه



تالت حاجه انت قلقان منها موضوع الرجه
بص يابوب


تخيل انك رابط ف باب بيتكو جاموسه مش كل ماتتحرك الباب هايتهز شويه
ديه نفس الفكره ماتور العربيه تقيل شويه بالنسبه لوزن العربيه وتقلها بس وبيدور مره واحد فلازم تتحرك وف حوار تانى ان مسامير الماتور او القواعد تكون لسه ماتربطتش وده ف اول صيانه انشاء الله



ارجو انى اكون ريحتك من قلقك

والف الف مبروك يابوب عايز اقولك اننا كنت بشد مره مع واحد ف الطريق
الدولى الساحلى كان ماشى على 160 جمبى وكان معاه سبارك بجد ربنا
يكفيك شرها ويديك خيرها