السلام عليكم
انا لسه موضب العربيه عند الكهربائي ومركب بطاريه جديده
وكل حاجه تمام سحب ودوران وصوت وكده
الا ان هناك مشكله ممكن مش بسيطه
انا كده كده رايح الكهربائي بس عشان بس ابقي عارف اللي فيها....
1_العربيه بتكهرب
لما ادخل واقعد شويه واخرج اجي اقفل الباب اتلسع كده زي الكهرباء
وبيكون مره واحده بس يعني لسعه واحده وخلاص
لكن مثلا من الخارج مش بتكهرب لوحدها
لازم ادخل اقعد شويه واخرج اتكهرب لو لمستها علما ان الكهربا برده مره واحده يعني لسعه واحده وخلاص
انا مركب ستاند للبطاريه زي اللي في الصوره ده
بس المسمار بتاعه طويل شويه هل ممكن يكون لامس الكبوت
بس متهيالي لو لامس الكبوت حتكهرب اي حد
لكن انا بتكهرب بس لما اركب وانزل
كان جسمي بيخزن حاجه من العربيه وافضيها اول لما انزل
فاهمني
ثانيا في حاجات بسيطه كده
2_الرعاش العالي شغال يعني اللمبه شغاله ولمبته في التابلوه بتقيد مع الرعاش
لكن لما اطلع الدراع لقدام مينورش ولمبته في التابلوه ايضا متنورش
3_ انوار الهاند بريك والبطاريه اللي هي موجب وسالب في التابلوه
مع اول الدواره بالنهار والعربيه بارده
تبهت لكن متختفيش غير لما ادوس بنزين برده مره واحده بس لما اجي ادور بس بالنهار
وبرده ده مره واحده في اليوم
4_ انا البطاريه جديده وحطتها امبارح عالتونجر عشان تشحن في دقيقتين العين بتاعتها اخضرت
لكن انهارده ببص عليه لقتها اسودت تاني وانا ممشتش بيها كتير قوي
يا دوب عشره كيلو ولا حاجه وسبتها طول الليل لحد دلوقتي
هل ممكن الدينامو شحنه ضعيف ولا عادي هي بتسود ولا ايه.....
يعني هل هي خضرا علي طول ولا بتسو عادي
5_العربيه الاول كان السلانسيه بتاعها علي 900 لفه
دلوقتي بقي علي الالف وساعات ازيد سنه بسيطه
وترجع تاني علي 950
وكنت بسخنها الاول ممكن عشر دقايق لحد ما مؤشر الحراره يبدا يتحرك لانه بيكون تحت الشرطه
دلوقتي بتسخن في 5 دقايق وتوصل الحراره الطبيعيه في 6 دقايق
يعني كانت بتسخن الاول بصعوبه وتاخد وقت طويل ولو مشيت قبل ما تسخن تنتش كده
لكن دلوقتي 5 دقايق وخلاص
هل ده الطبيعي وزمان هو اللي مكنش طبيعي
6_ معلش اخر حاجه
انا كل لما اغسل العربيه لازم يحصل حاجه مش عارف ليه
انا كمان بسيبها دايره في المغسله هل ده غلط
اتمني من خبراءنا في اجدع منتدي الاجابه علي الاسئله منفصله
جزاكم الله خير وجعله في ميزان حسناتكم