[jemy_tnt]

المشاركة الأصلية كتبت بواسطة waleed_d82 يا أستاذي الموضوع اعتبرة موضوعك خد راحتك انا ممكن اقولك من فهمي لية بنستخدم رجل واحدة ومتستخدمش الشمال : اولا : علشان لما تحب تسوق عربية مانيول تلاقي الموضوع سهل معاك انما كدة انت بتصعب المانيول عليك جدا وبعدين لو عندك عربيتين مانيول واتوماتيك حتلاقي نفسك بتتلخبط في الفرامل برجلك ثانيا : زي ما اخي الفاضل ابو نور مقال الرجل اليمين بتكون التحكم فيها سهل عن الشمال يعني بتقدر تتحكم في مدي دوستك علي دواس الفرامل عكس الشمال الي ممكن تلاقيها كبست فرامل اكثر مما تحتاجها العربية

مهو ده اللى بيتقال ليا بس انا بصراحه بنزل من الاوتوماتك و اركب مانوال عادى جدا و مش بحس باى لغبطه و ممكن ساعات اقعد بالاربع و الخمس شهور مركبش مانوال و اول مبركبها 5 دقايق بالظبط رجلى تاخد على الدبرياج و البنزين و كده و بتتظبط الدنيا
اما عن موضوع الرجل تقيله ده حصل معايا اول نص ساعه ركبت فيها العربيه اول مره جبتها و بعد كده الموضوع بقى عادى جدا

ده غير انى حاولت اكتر من مره موضوع انى اسوق باليمين بس طول مانا ماشى على مهلى الموضوع بيبقى عادى انما لو احتجت الفرامل بسرعه مش بلحق احرك اليمين بحس الشمال اسرع