السلام عليكم ورحمة الله وبركاته
انا صاحب الموضوع ده
http://www.masrmotors.com/vb/showthr...185#post633185
تخيلوا المشكله كانت هايفه واتحلت في دقايق كان فيوز بس
وسلك بايظ
الحمد لله بفضل الله ونصيحة خبراءنا في اجدع منتدي المشكله كانت هايفه لكن عشان انا ودتها للشخص الغلط كبرلي الموضوع وبوظلي العربيه
باختصار كانت العربيه مش بتدور من اول مره هي ده بس المشكله
واحد زميلي عرفني علي ميكانيكي صاحبه شغال علي دراعه.عنده مكان كده بيصلح فيه مع نفسه من غير عدة ولاا حاجه.....
وعملي البحر طحينه وحل الطرمبه والفلاتر والكراسي والكنبه......
ولعبلي في الكهربا وفكها ومعرفش يركبها تاني
وغرمني بطاريه وكبلات ونقاله و400 ريال
وخد البطاريه القديمه اللي هي سليمه
وودتله العربيه دايره رجعتها علي نقاله
المهم شلتها علي نقاله ودتها للكهربائي بتاعي
طلعت المشكله في ايه يا جماعه
اللي فهمته
فيوز في علبة الفيوزات بس كان ضارب
والكهربا مش بتطلع كويس من الكونتاكت
لكن البطاريه القديمه والدينامو كله تمام
واتحلت المشكله الحمد لله
المهم
انا عامل الموضوع ده
عشان اي حد عنده مشكله يروح لواحد واتنين وتلاته
ويدي العربيه لمتخصص
كهربا يبقي كهربائي
عفشه يبقي عفشجي وهكذا
ومش اي حد يفتي لك ويمد ايده عليها وخلاص
لان ممكن تكون المشكله هايفه اصلا
حاجه علي الهامش كده
1___انا من تلت او اربع شهور
كان النور في التابلوه مثلا الهاند بريك اول ما انزلها يفضل اللمبه منوره
تضعف لكن لسه منوره وايضا لمبة الزيت والبطاريه
لكن لما اكبس بنزين تختفي
الموضوع ده محصلش غير لما العربيه بارده بس لكن اول ما تسخن طول اليوم لا يظهر شئ
دلوقتي لسه الموضوع موجود
وانا سبتها عند الكهربائي قلتله خليها عندك شويه وشيك علي كل الكهربا
2_ البطاريه الجديده بتكون عينها خضرا او صفرا
انا بتاعتي اسودت العين لان الميكانيكي فضاها
هل حترجع تخضر تاني ولا ايه
واخيرا اتوجه بالشكر لكل اعضاء المنتدي المحترمين الحاضرين والغايبين
واخص
علامتنا كار ادماير
وخبيرنا سمير عيد
ومهندسنا احمد علي
شكرا