هو كدة الزيت مغشوش ولا اية ؟!؟
السلام عليكم ورحمة الله وبركاتة
دلوقتى انا حطيت زيت شيل الاصفر والتغيير اللى لاحظتة :
1- صوت المكنة بقى ناعم جدا وهادى لدرجة انى فى الزيت القديم كنت بخاف اعدى ال 4 اربى ام عشان الموتور كان بينعر بس مع (شيل) الصوت اهدى بكتير
2- كان فى تعتيلة فى الدوارة الصبح وبعد تغيير الزيت اختفى الموضوع دة
3- السحب اتحسن بشكل ملحوظ
4-كان عندى بخر زيت خفيف من الفايظ وراح بنسبة 80 فى المية بعد التغيير
5-استهلاك البنزين قل شوية عن الاول
لحد هنا كدة تمااام والزيت ممتاز
اللى مقلقنى منة بقى انى اما بقيس الزيت الصبح بيبقى سايل جدا لدرجة انة ممكن ينقط من على المقياس مش عارف لية
بس اما بحاول اقيسة بعد ماالموتور يشتغل ويسخن (عشان اشوف لزوجتة اثناء التشغيل) بيبقى ماسك نفسة على المقياس
فهل كدة الزيت دة مغشوش ولااية ! 
مع انى مغيرة من واحد ثقة بتعامل معاة من زمااان والجركل كان متبرشم قدامى ولون الزيت كان ذهبى والدنيا حلوة يعنى 
ولا هو الزيت دة بيبقى سايل فى بدء الدوارة عشان ينتشر بسرعة فى اجزاء الموتور وبعد كدة ياخد لزوجتة الطبيعية عادى !!!
التعديل الأخير تم بواسطة Vanditta ; 17-03-2012 الساعة 04:44 PM
|