اولا السلام عليكم و رحمة الله و بركاته
احب ابدأ اول مشاركة ليا في المنتدى بشكر جميع الاعضاء على المعلومات المفيدة و على المواضيع الكويسة جدا
انا بقالي مدة ب ادخل على المنتدى من غير ما اشارك بس بجد محتاج اعرف رأيكوا
انا مش عارف اشتري اييه والدي قال هما 120 الف بس لاول عربية و ده طبعا لواحد لسه هيبقى ف اولى كلية يبقى تمام اوي
انا بقيت محتار مابين مازدا 3 او هيونداي فيلوستر او بريليانس FSV او هيونداي i30 او فولكس جولف 2008 مستعمل خارج معروضة علينا او رينو داستر او ميجان هاتشباك او كيا سيراتو كوبيه او فولكس بولو 2012 او سوزوكي sx4 او سيات ابيزا
ده كل اللي انا حاولت اسأل عليه عارف ان بعضهم مش ب 120 او اقرب بس بجد انا مش عارف اختار
ما بين كل دول
و يا ريت اللي عايز يضييف عليهم يتفضل و ابقى مشكور ليه جدا
و العربية اكيد لازم تبقى شبابي يعني بلاش العربيات التقليدية زي اكسنت و كده
مع العلم ان العربية ان شاء الله على شهر 8 الجاي
اتمنى كل اللي يقترح عربية يقول سعرها و فئاتها و يا ريت اللي يعرف اسعار العربيات اللي انا كاتبها يفيدني بجد مع العلم ان العربية ان شاء الله ه اجيبها مانيوال مش اوتوماتيك عشان الي عايز يكتب السعر يحط ده في الاعتبار
اسف للاطالة و ارجو سرعة الرد
و شكرا