[عبد الله بن عبدالله]

السلام عليكم احبتي و اخواني تحية طيبة عطرة خالصة لوجه الله الكريم
انا معايا نيسان صني 2006 و الحمد لله العربية ممتازة هيه فيها مشكله التيل بس اللي قولتلكم عليها وانا مستني المكانيكي بتاعي لانه ثقة ومعايا من ايام 131 وهظبطها ان شاء الله --- اما عن اليوم فحبيت انقلكم تجربة متواضعة معا فوانيس الشبورة او الفوج - العربية اي اكس صالون فيها مرايات كهربه و شنطة بتتفتح بزرار مش شداد و فيها فوانيس زينون في النور و الواطي و العالي عادية . فالرؤية للي جاي قصادي باليل حتي لو في شارع منور بتبقي مستحيلة - لاني بضطر أقفل النور عشان ميديقنيش - المهم - قررت اشتري الفوانيس - طبعا اتسحلت في حلوان و في المعادي عشان الاقي بتاع 2006 ملقيتش خالص -- روحت نازل علي التوفيقية و دي كانت أول مرة أحس باني مش غريب و اني مبطلبش حجات من الفضاء أو قطع غيار لطبق طاير مثلا-- و الحمد لله من أول محل لقيت طلبي و لكن لفيت شوية بردة - المهم - الفوانيس صيني 275 جنية بيجي معاها الضفيرة بتاعتها من أول الزرار لغاية الفانوس بالكتاوت بكل ما تحتاجه لتركيبها حتي الأفيز - و فيه نوع تاني 260 بس مبيجيش معاه حاجة حتي ولا الكتاوت - انا كان عندي في كبل في العربية بتاع الشبورة لكن كان مفصول فمحبتش اجازف مدام الكهربة كلها شغالة كويس خليت الكهربائي يمشي الضفيرة اللي جاية معاهم و يخدها كهربة من النور الصغير و بيجي معاها زرار فبقي الزرار لما أقفل نور العربية خالص يطفي معاها و لما أفتح حتي النور الصغير أو الواطي أو العالي يشتغل معاه و خد مصنعية 30 جنية و بالليل بقي جربتها و الحمد لله بجد كانت أحسن حتي مما تصورت - الرؤية جيدة و بتخليك كاشف الطريق حتي لو فيه حد معدي مبتبقاش مضطر تقفل النور و الشوارع الجانبية عبقرية بدل ما تكون قافل النور وواحد يجي من تقاطع مش شايف ان فيه عربية جاي فيروح لابس فيك - بجد فكرة ممتازة لتجنب حجات كتير و ربنا يسترها عليكم و علينا - حبيت أنقل لكم التجربة و عسي أن حد ينتفع باي حاجة قولتها و ربنا يسترها علينا و عليكم يا رب العالمين