المشاركة الأصلية كتبت بواسطة احمد على 1999
من دليل المالك للسيارة لانوس زيت الباور DEXRON R II-D او DEXRON R III
بالنسبة لمستوى الزيت انا راجعت كتاب صيانة اللانوس ان و العربية باردة تماما الزيت المفروض يكون على ال MIN مش ال MAX و لما يسخن مع التشغيل بيرفع
بالنسبة لطريقة اخذ الهواء من الدورة برضه للسيارة اللانوس BLEEDING
1- و العربية مبطلة و باردة جدا احود الدريكسيون شمال على الاخر و تظبط المستوى على ال MIN يعنى احتمال فى حالة عربيتك حتنقص الزيت لغاية ال MIN
2- دور العربية و بمساعدة حد تانى زود بنزين شوية حافظ على المستوى من خلال تزويد زيت لو احتجت انه يفضل على ال MIN
3- يتم التخلص من الهواء الموجود بالدورة من خلال حود الدريكسيون الى اقصى اليمين و الى اقصى اليسار متجنبا وصول الدركسيون الى المصد (ودى نصيحة عامة فى السواقة العادية لاى عربية باور انك متجبش الدركسيون لحد ما يقف فى المصد حاول تتعود توقف قبل اخر مشواره بحتة صغيرة ) حتفضل تجيبه يمين و شمال لغاية لما كل الهواء يخرج من الدورة و تحس ان حركة الدريكسيون بقت طبيعية
4- حترجع الدركسيون للنص و تسيب الماتور داير لدقيقتين او ثلاثة زيادة
5- حتقفل العلبة و تمشى بالعربية و تجرب و تمشى بيها مدة كافيه لوصول الزيت لدرجة حرارة تشغيله الطبيعية (مش مكتوب اد ايه بس قول سواقة عشر دقائق)
6- اقف و تاكد ان الزيت على ال MAX لو كان اقل زوده لل MAX
|
ربنا يخليك أخي الغااااالي أحمد
جزاااااااك الله خيرا
أنا هعمل كده بإذن الله تعالى أنا عملت حاجه قريبه من كده من فترة وبالفعل الصوت قل شوية وبإذن الله لما أعمل الطريقة الصحيحة دي هيروح خالص
أنا كده إتأكدت بإذن الله إن علبة الدريكسيون سليمة مش زي مابيقولوا البعدا إلي بيفتوا
مشكووووور أخي الحبيب أحمد