رد: حد يعرف طريقة تغيير فلتر بنزين لانوس
هتلاقيك بس معرفتش تحل الخراطيم من قبل وبعد الفلتر
عموما علشان تأخد بالك
الخراطيم بتركب على كلبسات بيضاء موجوده على الفلتر
لما تضم الكلبس من نهايته للداخل هتقدر تملص الخرطوم
وهتكرر الكلام ده على الخرطومين الداخل والخارج من الفلتر
---------------------
بعد كده
هتجيب مفتاح رنج 11 وتحل صامولة أفيز تثبيت الفلتر على صدر الغرفه
وبعد ماتحل الصاموله وتشيل المسمار
هتسحب الفلتر القديم فى إتجاه سيرفو الفرامل
وتركب الفلتر الجديد وتربط الأفيزبالمفتاح ال 11
وبعد كده تركب خرطوم الدخول والخروج لحد ماتسمع تكة الكلبس
وتطمن صح على تركيب الخراطيم
وبكده خلص موضوع تغيير الفلتر
وتدور مكنتك وأنت باصص برضه على الخراطيم لحد ماتطمن إن مفيش
أى تسريب أمامك على منطقة دخول وخروج البنزين للفلتر
---------------------------
طبعا لو عندك سلك كهربى أرضى على الفلتر زى ماهو موجود بالنوبيرا هتحله قبل ماتشيل الفلتر القديم
وتركب على ترملته بعد تركيب الفلتر الجديد
وأعتقد أنه موجود بالانوس زى النوبيرا
__________________
قال رسول الله 
إن الله ليملى للظالم ............حتى إذا أخذه .....لم يفلته
صدق رسول الله
___________
م/سمير
|