[AbOnOrA]

اه زى ابودومة وبثينة كامل والاسوانى ونواره واسماء وريم ويسرى
وزى البنات اللى اتسحلو والشباب اللى اتقتلو
زى شيوخ الازهر اتقتلو برصاص الغدر والشباب القبطى اللى تهرس بمدرعات المفروض تحميهم
وزى البرادعى اللى خاضو فى سيره اهله واللى جايبنه باسواء الاتهامات واخسها
وزى ايمن نور اللى اتسجن واغتيل سياسياً واكيد نفسياً وشعبياً
وزى وائل غنيم الشاب العبقرى المثقف المؤدب اللى برضو طلعتوه خاين وصهيونى ودلوقتى بيسقط الدولة

يا دكتور الثورة المضادة ما شاء الله مخلتلناش حد نتجمع حواليه بالعكس كل ما يشوفنا بنتجمع حوالين شخص يطلعو فيه القطط الفاطسه كاننا فى زمن الملائكة وكل ما نتلم حوالين تنظيم يتطلعو جمبه عشر تنظيمات تميعة وتشوه صورته

متلوموش الثوار لومو نفسكو انتو موثقتوش فينا وبيعتو دمنا ومدتوناش نص فرصة نثبت بيها صحة رؤيتنا مع ان كل سيناريوهات افشال الثورة كنا اول ناس تحذر منها وتقف ضدها وانتو راهنتو على الحصان الخسران

كلكو بتحسدو الغرب على مدنيته ونهضته العلمية والحضارية
كلكو كاباء تمنيتو اولادكم يتعلمو ويستفيدو من التكنولوجيا والحداثة ولما حبينا نطبق اللى اتعلمناه كفرتونا وغربتونا وخونتنونا الله يهديكم

وادى النتيجة واحد بيأدن وواحد بيفرق بومبونى ماركة هولز وفى الاخر طلع مفيش خراطيش والطرف التالت لسه تالت والثوار بيخشو السجن والسنى يطلع برائه ومبارك عايش فى منتجع سبع نجوم وانا وانت بنحرق فى دمنا

والله يا دكتور لا يحضرنى فى هذه الموقف الا مقولة الزعيم الفاشل عادل امام فى مسرحية الزعيم لما قال احنا ولاد كلب احنا بندايق الزعماء وبنعكنن عليهم
يارب شوطة تاخدنى وتاخد الثوار كلهم علشان المواطنين الشرفاء يستريحو