[silverlite]

مصر بوك | Egypt Book




المواطن الشريف بتاع "منكم لله خربتوا البلد" وأنت قاعد أنت وأسرتك دلوقتى فى البيت قدام التليفيزيون لابسين 100 حاجة فوق بعض ومتغطيين ب100 غطاء فوق بعض ومشغلين الدفاية وبتشتكوا من برودة الجو اللى مش قادرين تستحملوها, ياريت بس حضرتك تفتكر إن فى أطفال زى أطفالك بالظبط وعواجيز زى والدك ووالدتك بالظبط نايمين دلوقتى فى الشارع على الرصيف من غير هدوم ومن غير غطاء وتحت المطر والبرد ده

وياريت حضرتك تفت...كر برده إن فى ثورة قامت وفى ناس ماتت وأتصابت فيها علشان تجيب للناس دى حقهم وما تخلهومش يناموا تانى فى الشوارع على الأرصفة فى الجو ده من غير هدوم ولا غطاء وتمنع إن ده يتكرر تانى مع أى حد زيهم وتحاسب اللى كانوا مسئولين عن نومتهم دى فى الشارع

وياريت حضرتك تفتكر برده إن الثورة دى لسه لغاية دلوقتى ما جابتش ليهم حقهم وما خليتهمش ما يناموش فى الشارع على الرصيف من غير هدوم أو غطاء فى الجو ده وما منعتش غيرهم من أنه ينام نومتهم دى ولا حاسبت اللى كانوا مسئولين عن نومتهم دى, وكل ده لأن حضرتك ما أستحملتش أنك تضحى شوية صغيرين وتدى الثورة دى فرصتها أنها تحقق أهدافها دى, وهاجمتها وأتهمتها أنها خربتلك البلد (وحضرتك قاعد فى بيتك وسط أسرتك بتستمع بكل متع الحياة) وكنت السبب فى فشلها

ياريت حضرتك بس تعرف حاجة مهمة, هى إن حضرتك إن شاء الله حتتسأل عن الأطفال والعواجيز دول يوم القيامة وحتتحاسب عن مسئوليتك فى إستمرار عذابهم ده وياريت حضرتك تجهز من دلوقتى رد ترد عليهم بيه قدام ربنا لما يسألوك ليه حرمتهم من أبسط حقوقهم كبنى آدمين ووقفت قصاد تحقيقها

وياريت حضرتك برده تجهز رد ترد بيه عليهم قدام ربنا لما يطلبوا منه القصاص ليهم منك

المواطن الشريف بتاع "منكم لله خربتوا البلد"........منك لله خربت البلد