[الصقر_الجارح]

كده يبقى هتغير حدة التحكم بتاعة التكييف ببعضها لأن محدش هيبعلك اجزاء منها وكمان طالما وصلت انها تتكسر لوحدها ( اكيد بتسيبها فترات طويله فى الشمس ) يبقى مش هينفع فيها تصليح سعرها فى حدود 100 الى 150 جنيه

أول حاجة:

والله أبدا ياباشا أنا دايما بغطيها ولما تكون واقفة في الشمس بركنها تحت شجرة أو بحط شماسة على الإزاز.

البلاستكة اتكسرت بعد ما اشتريت العربية بيومين هههههههه

شكل الراجل اللي اشتريتها منو كان عاملها اي كلام عشان يبيع العربية..يلا الله يسمحو بقى.

عموما يعني دلوقتي هشتري الوش الفضي كامل + وحاجته كلها + ويرات التكيف بالمرة.

هجيبها استيراد ولا جديدة؟

وسعر الحاجات دي كام سواء استيراد ولا جديدة؟

وياريت لو حد من الأعضاء المحترمين هنا في المنتدى عندو الحاجت دي يقولي.

يا جماعة الخير انا تحت امر اى حد عنده استفسار بس انا محبتش اشعب الموضوع بردودى لذلك انا رديت على الأستاذ luckyman بس فى موضوع تانى وحطيتله اللينك احتراماٌ لموضوع الأستاذ الصقر_الجارح المهم انا مش عايز حد يزعل من حد بسببى وعلى العموم حقكم عليا انا

تاني حاجة:

ربنا يخليك ياباشا أنا مش زعلان حد أبدا ولا من الأستاذ luckyman خالص, انا كان قصدي بس اننا منخرجش الموضوع عن هدفه.

وأنا وضحت له في مشاركة سابقة

وعليكم السلام ورحمة الله وبركاته أستاذ luckyman انا بستفسر عن الأسعار بس والحاجات اللي ليها علاقة بالأسعار وقطع الغيار وهكذا.. أنا مش قصدي ان محدش يستفسر عن الأسعار و كده يعني..لا أنا قصدي ان المناقشات اللي ملهاش علاقة بالموضوع زي التعديلات أو مشكلة بالسيارة وهكذا.. تكون برا الموضوع عشان منخرجش الموضوع عن هدفه العام وهو تبادل قطع الغيار والإكسسوارت+ الأسعار. عشان اللي عايز يبحث عن حاجة معينة ميتوهش. تقبل تحياتي.

وحضرتك بردو عملت الواجب وزيادة.

وازاي تقول كده أنا اقدر ازعل منك بردو!!!

وبعدين محصلش حاجة خالص ده مجرد سوء تفاهم بسيط واحنا هنا في المنتدى كلنا أخوة وأسرة واحدة وبنفيد بعض

أخوك/خالد.