[الصقر_الجارح]

المشاركة الأصلية كتبت بواسطة luckyman شكرا لكم انا فعلا كنت مقرر اجنط العربية علشان تمسك فى الارض شوية بس من ناحية الفرامل مش عارف ومش عايز العب فيها من ناحية السرعة انا مقلتيش ان العربية بطيئة لكن هى امنة بطريقة خطيره شفت التعبير دة بقولك الفرامل مش ضعيفة الفراكل ضايعة يمكن الناس مجربيتش قبل كدة فرامل زى الناس ! انا اسف والله مش اقصد الفرامل لوحدها عيب قاتل على العموم انا فعلا ناوى ابيعها كانت بتيجى ليا طلبات بيع وانا فى البيت قبل ما اسفر هى مطلوبة جدا جدا لان عربيتى بحاله الزير تعتبر زيرو لانها موديل 2004 بس كانت مركونة نتيجة السفر انا برة مصر بشتغل شهرين وبنزل شهر ولما كنت بنزل بستخدم عربيتى التانية وفعلا انا عايز ابيع انا فكرت اديها لمراتى بس قلت اجيب حاجة اتوماتيك علشان تبقى احسن وافضل فى ظروف شوارع مصر على العموم شكرا على الاقتراحات القيمة ياريت اللى عايز يشترى يبعتلى رساله العربية تعتبر زيرو مفيش فيها الهوا الابواب اللى ورا ولاه مرة اتفتحت يمكن العربية جديدة حتى الكاوتش بتاعها الاصلى والاحتياطى لم يلمس الارض وشكرا جزيلا

شوف موضوع تعديل الفرامل ده للأستاذ عصام وأقرأه كويس وقولي رأيك

تعديل فرامل الانوس كامل( امامى + خلفى ) مكونات+اسعار+تجربه

ايه الفرق بين قبل وبعد ؟ قبل 1 - انا معايا العربيه زيرو ومفيهاش مشاكل بس على سرعة 140 كيلو فيما فوق لوطلعت وقفت فوق الدواسة العربيه هتهدى لاكن مش هتقف يعنى العجل مش هيكلبش الا لما تهدى وبراحتها اوى 2 - العربية بتاكل تيل جامد والطنابير بتقفع بسرعه من السخونة الذايده ( يعنى لما تدوس فرامل تحس برعشه فى الدركسيون ) 3 - لو انت جراى وبتفرمل كتير هتشم ريحة شياط من كتر سخونة الطنابير والتيل دة غير ان قوة الفرامل هتنخفض بمقدار 40% 4 - لو دوست فرملة جامدة على سرعه هتلاقى وش العربيه نزل فى الارض والشنطه عومت معاك لان الفرامل بتعتمد بنسبه كبيره على العجل قدام وبخاصه لو رجلاش العجل اللى وراء مهوى 5 - بتحتاج كل فترة تعمل تنظيف ورجلاش للعجل الخلفى عند ذيادة مشوار فرملة اليد لان اليد والفرامل الخلفى على تيل واحد ( انخفاض دواسة الفرامل مع الوقت ) بعد التعديل 1 - دوست فرامل جامد من 140 كيلوالاربع عجلات كلبشو وطلعو دخان والعربية وقفت فى خط مستقيم 2 - مفيش السخونه الزايدة والتيل مش بيتاكل بسرعه 3 - مفيش ريحة الشياط ومفيش انخفاض فى قوة الفرمله مع كتر الاستخدام 4 - ثبات العربيه مع الفرامل المفاجئة لان الاربع عجلات بيمسكو فى وقت واحد ذى الالمانى 5 - مش بتحتاج تعمل رجلاش لان الفرامل وراء بقت سكينه يعنى بتعمل رجلاش لنفسها اوتوماتيك ( ارتفاع دواسة الفرامل ثابت مع الوقت )

على فكرة:

اللانوس اللي بتنزل مصر بس هي اللي بتبقى فراملها ضعيفة ومن غير فلتر تكييف والله أعلم تاني..

كل ده عشان جشع التوكيلات عشان يكسبو بيجيبولنا الحاجة فرز عاشر حسبي الله ونعم الوكيل فيهم.

عموما أنا أنصحك انك تراجع نفسك كويس قبل ما تبيعها لأنو على كلامك العربية اللي معاك كأنها زيرو(يعني نضيفة)

واذا كان على الفرامل والكلام ده دي كلها حاجت بسيطة وتتعدل للأحسن ان شاء الله زي موضوع الفرامل كده.

فخسارة تبيع العربية إلا بقى لو هتجيب حاجة أحسن دي قصة تانية.

وربنا يوفقك ويوفقنا للأحسن.

والسلام عليكم ورحمة الله,,