[الصقر_الجارح]

المشاركة الأصلية كتبت بواسطة luckyman انا معيش تمن الهوندا اولا واللى معايا قديمة جدا من 84 ثانيا انا مقارنتيش اللاندكروزر بسياره اخرى انا برد على اللى بيقول مفيش غير الالمانى من ناحية التماسك فرديت علية مش فى كل الحالات والفئات وشبهت اللاندكروزر بالمرسيدس الجيب واللاندروفر حاول انت بس تقرا بتانى علش ما يحصلش لبس عندك وللمتابع العربية اللانوس من اسوأ سيارات اللى موجودة دة كفاية لو بتلف ملف بسيط على سرعة عشرين والله كل الركاب اللى فى العربية بتميل برنامج التوب جير فى التسعينات قال بالحرف انها من اسوأ السيارات وغير امنة بالمرة يعنى المشاكل اللى فيها تخليها غير امنة مش عارف لية انتم بتزعلوا وبتتكلموا عن العربية كانها شخص بيتهان واقترحات بالبيع يعنى انا لو عايز ابيع مستنى حد يقولى بيع وشكرا

يا سيدي الفاضل أنا مش عارف انت متدايق أوي كده ليه من اللانوس؟؟؟

بالنسبة للفرامل أنا معاك اه انها ضعيفة بس بيتعمل لها تعديل كده زي ما الأستاذ عصام عامل وبتبقى 10/10

وبعدين حرام عليك على سرعة 20 ايه بس اقسم بالله باخد بيها ملفات على 120 كيلو وزي الفل

وبالنسبة للسحب اللي مش عاجب حضرتك فأحب أقولك اننا جايب بيها 190 كيلو وكنت بشد مع واحد ومرضيتش أزود عن كده لأن الطريق ميسمحش.

وبالنسبة للثبات والتماسك أنا شايف انو معقول لحد 120/140 كيلو..وممكن تركب جنوط اكبر وتخلي الثبات أحسن.

وعموما أنا شايف إن اللانوس الأفضل في فئتها من ناحية الكماليات وسعر اعادة البيع وتوافر قطع الغيار وإقتصادية في البنزين ومصر كلها مليانة لانوس مستحل تمشي في شارع متلاقيش فيه لانوس سواء تاكسي أو ملاكي.

وبعدين ليه متقارنهاش بالفيرنا مثلا تماسك وثبات اللانوس أفضل بكتير من الفيرنا, الفيرنا متورها شديد على البودي بتعها وفراملها سيئة جدا وبتعوم على الطريق, وممكن تسأل اللي معاهم الفيرنا.

وأي عربية في العالم عايزة انك تهتم بيها+ وتعملها الصيانات الأولية بانتظام من تغيير فلاتر وسيور ونظافة ووووو وهتلاقي العربية معاك زي الفل.

أنا مثلا في عربيتي اللانوس بقالها معايا 7 شهور لحد دلوقتي والحمد لله عمري ما اشتكيت منها مريحاناي على الاخر وعملية جدا جدا وتكيف وكل حاجة ماشاء الله.

دايما بعملها الصيانات الأولية بانتظام من تغيير فلاتر وبوجيهات واسلاك البوجيهات والزيوت في مواعيدها والسيور وتنظيف سواء للمنافولد أو........الخ

وعمري ما عبيت بنزين غير الــ 92, يمكن ساعات قليلة جدا لو اضريت اعبي 90 وعمري ما عبيت الــ 80 أبدا.

وصدقني هتلاقي العربية معاك زي الفل والله.

وممكن بردو زي ما قولت لحضرتك في أول الموضوع انك ممكن تعمل تعديل للفرامل مثلا وتركب جنوط هتلاقي العربية بقت حاجة تانية خالص.

وفي النهاية لو العربية مغلباك وقرفاك زي ما بتقول ممكن تبيعها وتجيب اي حاجة تانية.

وأرجو انك متزعلش من كلامي ان مقصدش الإساءة لحضرتك ولا حاجة أنا بس حبيت أوضح لحضرتك حاجة معينة.