المشاركة الأصلية كتبت بواسطة mostafa_elkholy
السلام عليكم ياباشا يعنى ايه عسكرى انه يكون لسه فى الخدمه وبعدين حضرتك بتقول يسقط حكم العسكر هو فين حكم العسكر ده انا اعرف لو فى حكم عسكر يبقى كل الوزره عسكر بيزى عسكرى وبعدين احنا منحكمش على ناس كانوا فى الجيش وعوزين يرشحوا نفسهم للرئسة الجمهوريه وبعدين ياباشا اى ظابط بيطلع معاش بيتعامل كمدنى مش عسكرىبس انا يحترم رايك وكل واحد لازم يقول رايه وانا رائى ان الراجل ده لوكان حرامى زى ما فى ناس بتقول كده كان زمانه جنب حسنى فى السجن كفايه ان الموظفين فى مصر الطيران بيقولو عليه انه راجل محترم وكانت ايام احمد شفيق كانت احلى ايام انا شايف انه راجل محترم وملحوظه احمد شفيق راجل مدنى دلوقتى مش عسكرى زى ما فى ناس عماله تقول عسكرى عسكرى ولازم تختار واحد يبنى مصر مش يهدها وربنا يحفظ شعب مصر وجيشها امين
|
اسمه
الفريق/احمد شفيق
يا باشا حكم العسكر مش بالزى العسكرى حكم العسكر بيجى بعد طلوع السادة اللواءات مناصب هامة وحساسة فى الدولة وده بيتم بسبب انتمائتهم العسكرية لضمان ولائهم وطاعتهم العمياء للحاكم العسكرى واتباعه لتكتمل منظومة الفساد لو حضرتك ركزت فى كلامى هتلاقيه منطقى وسليم وموجود حوالينا فى كل مكان وانا شغال فى مكان حكومى مدنى صرف وفيه لواءات على المعاش وحشرين نفسهم فى ترأس هيئات وقطاعات بدرجة نائب وزير فى حين ان فيه مدنيين متخصصين وكفاءات مركونين على الرف ده حضرتك تسميه ايه
وبالمناسبة في لواء من هؤلاء محبوس على ذمة قضية فساد مع شلة بورتو طرة وسلملي على حكم العسكر
ملحوظة هامة انا بحب الجيش المصرى جدا واقدره واوقره لاننا من غيره لا شئ فهو خير اجناد الارض فارجوا كمتعلمين ومثقفين الفصل بين حبنا للجيش ورفضنا لحكم العسكر كما شرحت سلفا .. وتقبل تحياتى