المشاركة الأصلية كتبت بواسطة aymanlaw
اولاً:هذه السيارات هل فى أحد من الأخوة الأفاضل استخدموها يعنى جربوها علشان يحكموا عليها ؟؟؟
ثانياً:كل السيارات معرضة للأعطال وكمان العبرة فى الشخص الذى يقود بمعنى ان رجل الشرطة الذى يقود سيارات خاصة بلدوريات الراكبة يجب ان يكون مدرب على القيام بهذه المناورات وبما إنه بروفيشنال او حتى نصف برفيشنال يبقى ممكن يطوع هذه السيارة مهماكانت الأمكانيات ,واعتقد إن البرليانس ومنصة الشاسيه الخاصة بها وهى من تصميم على مااعتقد شركة لوتس الأجليزية يبقى الوضع هنا ممتاز,وحتى التيجو وانا شفتها فى ايطاليا العربية هناك مشاء الله شغالة تمام ,واحد هيقلى مواصفات اوربية هقول له الله اعلم ولكن حتى لو مواصفات اوربية يجب ان نعلم جميعا ان الطرق لدينا لاوجه مقارنة بنها وبين الطرق فى اى دولة مما ورد ذكرها فى هذا الموضوع ,اذن اى عربية سوف تقضى الغرض فى مصر لأن لدينا طرق لاتصلح لأى مناورات ولاتصلح للسير اصلاً واكيد فى من حضراتكم سافر وشاف الطرق فى الدول العربية عملة إزاى,وفى اوربا وده الى انا بشوفه شبكة طرق ولافى الأحلام (الأوتوسترادا ) لديهم خمس حارات يعنى الطريق الأتجاه الواحدة بثلاثة اتجاهات ويمكن اربعة من طرق مصر الفاشلة بكل المقاييس,وكل حارة بسرعتها حتى السرعة ال120 وياويلك لو ماشى على 120 على100 ,تبقى مخالفة ومتعرفش (عباس) جالك منين (وعباس ده يعنى البوليس باالأسم الحركى )المهم يعنى عايز اقول ان اى عربية فى مصر هتأدى الغرض,وكمان هذه السيارات ليس عليهااى ملاحظات فهى الى الأن تؤدى دورها ومفيش شكوى منها إلا زيها زى غيرها من الماركات الأخرى ذات الخبرة العريقة ,يجماعة الصينى اصبح امر واقع وزى ما الأعلان المشهور بيقول(وينتشر ويتوغل ويستمر)خلاص زيه زى تجربة الكورى مفيش مفر وبجد والله يشهد عى ما أقول إن الأنتاج الصينى اصبح الأن زو خبرة فى السيارات الأمر اختلف عن العشر سنوات الماضية بشكل جزرى,واسف على الأطالة  |
محدش قال ان العربيه وحشه
العربيه حلوه وكل حاجه بس ليا وليك ولاي حد ممكن يكون عايزها استعمالش شخصي (بيتي يعني)
لكن لما تيجي تكلمني عن شرطه واللي المفروض يتركب واللي حيشتغل 24 ساعه في اليوم واللي المفروض يعمر ل 4 او 5 سنين قدام متقوليش صيني
اقل واجب يبقي عربيه الماني مبقولش انه حيجيب ال 260 عالطريق بس اقول ان عربيه الماني في ظروف تشغيل الشرطه ممكن تستحمل وفي حين ان قطع غيارها معمره يعني العربيه ممكن تقعد ل 4 او 5 سنين بصيانات دوريه خفيفه
لكن انت تيجي تجيبلي صفقه عربيات صيني وتملي الشرطه صيني وتيجي بعد سنه او اتنين تطلب تجدد ويبقي كل اللي فات ده اهلاك ويتجاب جديد ده يبقي اسمه اهدار مال عام وافترا وحتشوف العربيات دي حتقعد كام سنه عالطريقه اذا كان التييجو ولا البريليانس