المشاركة الأصلية كتبت بواسطة Elkomanda
السلام عليكم
ازيكم يا جماعة؟ لو سمحتم أنا عندي عربية بولو موديل 99 1000CC انجكشن
الحمد لله العربية كنت شاريها من واحد محافظ عليها ومريحاني الحمد لله
لكن عايز أسأل عن شوية حاجات كده فيها
أول حاجة ودي بدأت مع الشتاء
لما آجي أدور العربية بتدور بسرعة وكل حاجة لكن في سير بيصرخ كده شوية وبعدين يبطل
الميكانيكي قال لي ده سير التكييف ومحتاج أغير قاعدة المكيف لإن الموجودة في العربية مش الأصلية بتاعتها ومعمولة عمولة
كنت عايز أعرف سير التكييف بيعمل كام والقاعدة دي بتعمل كام؟
الحاجة التانية لما بدوس بنزين جامد ويبدأ الrpm يعلي عن مثلاً 4000 بيطلع صوت شخلله كده زي ما يكون في مسمار سايب أو حاجة بتشخلل والميكانيكي قالي برضه إن السبب هو قاعدة التكييف
كمان كنت عايز أعرف سعر سير الكاتينة بتاعها وعرفت برضه إنه لو لا قدر الله سير الكاتينة انقطع العربية بتجيب صبابات ووش وشوية حاجات كده
فكنت عايز أعرف سعر الحاجات دي بيبقى في حدود أد ايه؟
آخر حاجة بالنسبة لفلتر البنزين والزيت
كل واحد منهم سعره كام وأغيره كل أد ايه؟ مع العلم أنا بحط بنزين 90
وبس كده
معلش طولت عليكم D:
|
العربية دى قطع غيارها غاليه ولو لاقدر الله عملت صباب هتدفع فى حدود 700 جنيه بعد الشر
جوان الوش 130 صاج
جوان الفرن 30
جوان المانيفولد 30
أويل سيل الإسبراتير 10 ومش موجود عند ناس كتير
فلتر الزيت ونتا بتغيره فى البنزينة هتلاقى أنواع نظيفه كتير ومترتبطش بسعر معين
السؤال بقى المهم واللى اللى انا حاسس انه صحيح
انت مركب الكباس الألمانى الأصلى بتاعها ولا لأ؟؟؟
لو الأصلى يبقى انت كده فى أمان بإذن الله من حوار الوش ده بس لازم تراجع على السيور وقاعدة التكييف ......ماشى ؟
ولو حضرتك مركب لها كباس روتارى يابانى وعامل قاعدة عموله يبقى خلى بااااالك جدا وربنا يسترها معاك ،، لازم تروح لواحد كويس يظبطلك القاعدة كويس والسير وحط تحت السير ده 100 خط و كمان لازم تأمن سير الكاتينة ومستنى الرد وأى خدمات
تقبلوا مرورى