المشاركة الأصلية كتبت بواسطة احمد القطاوي
لما اشتريت العربية من سنة كانت البطارية بتاعتها جديدة يدوب تمت سنة وباظت
ركبت بطاريه السنة اللي فاتت
بس وانا بركب سير الدينامو قالي الميكانيكى ان الدينامو ده مش بتاع 128
وده بيدي امبير اعلي لان بطارية الشاهين 70 امبير
وده ممكن يبوظ البطارية
الصراحة طنشت
دلوقتي البطارية باظت تاني وغيرتها ببطارية 55 امبير/ساعة
ب230 جنية واخد القديمة ب 50 جنيه بطارية نسر
دلوقتي هل المفروض اغير الدينامو بدينامو 128 ولا ايه
|
فى حاجة نسيت اقولك عليها احيانا بيكون العيب من البطارية نفسها ازاى؟؟؟؟؟؟؟؟؟
انا اقول ما اشتريت العربية جبت لها بطارية جديدة على طول لان انا مضمنش القديمة المهم قعدت معايا 6 شهور تمام وزى الفل وكانت 55 امبير وفجاة وبدون اى مقدمات كنت فى مشوار الكلام ده كان فى العصر ورجعت البيت وكنت خارج تانى على طول ولما رجعت ادور العربية حلفت براس ابوها ماتدور لقيت البطارية نامت ع الاخر ودورتها زق وقلت تشحن وانا فى الطريق ومشيت بيها حوالى 45 دقيقة وبطلت العربية ودورتها فى نفس الوقت مرديتش تدور
طبعا الدينامو كان سليم لانه لو خربان العربية مش هتمشى وبالرغم من كده دورتها زق ونزلت رفعت كابل البطارية والعربية فضلت دايرة
كشفت على البطارية عند التوكيل اللى انا اشتريتها منه قالى سليمة وروح شوف الدينامو وخرج الكهرباء بتاعه روحت للكهربائى قاللى الدينامو سليم
فى النهاية عرفت ان البطارية وبدون اى سبب "لا تقبل الشحن" وده كان عيب مصنع
غيرت البطارية والحمد لله بقالها معايا اكتر من القديمة وزى الفل والحمد لله
علشان كده ياريت لو تعرف تجيب بطارية تانية وتجربها كام يوم عندك وتشوف هتعمل ايه معاك
على فكرة انا عملت كده واخدت بطارية تجربة من التوكيل نفسه علشان اثبت لهم ان العيب فى البطارية مش الدينامو