السلام عليكم
جماعه انا كنت عايز اعرف رايكم فى الجيتز أتوماتيك لان العربيه دى داخله دماغى انا معايا شيروكى بس مش لاقى نفسى فيها وكبيره اوى على استخدامى الشخصى فبفكر ابيعها ونفسى فى حاجه هاتشباك صغيره وياسلام لو اتوماتيك يعنى الواحد يبقى مشترى دماغه هوا سايق ولا يشيل هم عربيه كبير و ممكن يحك ولا يشيل هم سواقه منول ودبرياج وتبطيل ووجع دماغ
كنت عايز اعرف موديل 2010 اوتوماتيك يعمل كام وهل فعلا مفيش 2011 ؟
و العربيه دى ايه نظام قطع وتصليحها انا عايز عربيه موفره و الميكانيكيه بيفهموا فيها لان الشيروكى عقدتنى الصراحه