[ابومالك فايد]

المشاركة الأصلية كتبت بواسطة samirayad مضمونين ....ولا مش عارف وغيرتهم بعد الحادث ولا قبله وماذا تعنى بكله تمام وهل كشفت على العفشه كلها من تحت كبالن وعواميد كبالن ومقصات وخلافه ياريت لو تستفيض معانا شويه وتحكيلنا عن كل إللى أتعمل فى السياره بعد الحادث وهل السمكرى إللى عالجلك موضوع تأخير الفرده الشمال مجرد أنه عمل زرجينه فقط للفرده ولا رفعت العربيه بعدها وأطمنت على مكونات السياره من تحت لأن مينفعش الواحد يأخر أو يقدم فرده كده بدون مايكشف على أثر الحادث برضه

انا هحكي اللي حصل بالتفصيل
1-قبل الحادث
2-كيف حصل الحادث
3-الاصلاح بعد الحادث
4مشاكل ما بعد الاصلاح

1-قبل الحادث :

قبل الحادث كنت مظبط كل العفشة غيرت جوز مساعدين استيراد وكانو تمام وغيرت الاسكترا والبطاحات والجلب والسوست وكان كل حاجة مظبوطة

2-كيف حصل الحادث

كنت ماشي علي سرعة 40 وغفلت وفجاة لقيت عربية سوزوكي 8 راكب ماشية بسرعة جنونية ودخل في العجلة اللي قدام ناحية الشمال (جهة السائق) وبعد كده اتقلبت السوزوكي والحمد لله مفيش اصابات وسبحان الله الخبطة عندي جت في العجلة اللي قدام بالظبط يعني مكنش فيه اي اضرار في جسم العربية كل اللي حصل ان المقص اتعوج والجنط اتعوج والعجلة كلها بالمقص رجعت للخلف يجي شبر

3-الاصلاح بعد الحادث:

طبعا كنت مضطر للجوء الي سمكري وعفشجي قريب من موقع الحادث المهم السمكري فك المقص وعمل شوية لحمات بسيطة جدا حوالي 5 سم يس قواعد المقص سليمة مفيهاش مشكلة والعفشجي ظبط الاسكترا وغير المقص وراجع علي المساعدين وركب وكل حاجة تمام علي حد قوله

4-مشاكل ما بعد الاصلاح:

كان فيه عومان جامد جدا وعدم تحكم في العربية رحت للعفشجي قاللي ظبط زوايا رحت ظبط زوايا وبعد ما ظبطها حصل حاجة غريبة لقيت العربية بتحدف يمين مع انه قبل تظبيط الزوايا مكنتش بتحدف كانت بتعوم المهم لاحظت ان العجله اللي حصل فيه الحادث لسة مأخرة حوالي 3 سم رحت للعفشجي تاني وقاس وطلع كلامي سليم فك المقص ووداه المخرطة وقدم جزئ اسمه الركبة لقدام 3 سم وركب
النتيجة العومان اختفي بنسبة 65 % وبقيت متحكم في العربية لدرجة كبيرة بس لسة مش زي الاول
وفية صوت زي ميكون فيه رفة في العجلة يبدا عن سرعة 60 ويختفي بعد 80

بجد انا احترت
المشكلة ان العربيةعجباني ومش عايز افرط فيها ونفس الوقت خايف اعمل حادثة تاني يعني امبارح اخدت ملف شمال وكنت سريع شوية العربية كانت هتتقلب بيه فعلا بس ربنا سترها