المشاركة الأصلية كتبت بواسطة ابو الشوق كاديلك
انا عايز اقول لحضرتك حاجة العربية الزيرو ليها متعتها انت اول واحد ركبها وهتبقي مطمن ان مفيهاش حاجة بايظة ولا الكلام ده
بس تعالي حضرتك نفكر ونحسبها مع بعض بالعقل بعيد عن العواطف
نيجي للرينو لوجان حضرتك عربية كويسة بس ادائها مش رياضي تقفيل مغربي احسن من المصري
بس ايه مشاكلها وده من وجهة نظري المتواضعة ادائها مش رياضي عادي مش مهم المهم تكون عربية محترمة
بس العيب الرئيسي من وجهة نظري ملهاش سوق في مصر يعني حضرتك لو اشترتها هتخسر في تمنها جامد ممكن حضرتك تقولي انا مش هغير العربية قبل كذا سنة بس حضرتك محدش بيعرف المستقبل ممكن حضرتك تزهق منها تحب تغير او تحب تبيعها وتكمل علي تمنها وتجيب حاجة احدث ، ساعتها حضرتك هتاخد وقت كتيير علشان تبعها واللي هيجي يشتري هيحسسك ان محدش غيره هيشتريها وهتخسر فيها جامد
غير ان حضرتك هتضطر مجبرا تتعامل مع التوكيل وقطع غيارها غالية نسبيا
يعني مفيش ادامك اي فرصة انك ممكن تجيب قطع غيار استيراد او تيواني
نيجي للاوبترا عربية ثبتها كويس سوقها في البيع والشرا كويس بس شكلها يعتبر قديم نسبيا بس قطع غيارها موجودة في كل حته (بس السعر اللي مطلوب في العربية اللي حضرتك بتتكلم عليها انا شايفه غالي نسبيا ممكن حضرتك تدخل علي كونتكت كار وموقع دوبيزل تشوف متوسط سعرها )
نيجي للنيسان نفس كلام الرينو ينطبق عليها وان كنت اعتقد انها افضل من الرينو بس فيها مشكله تقفيل مصري وسعات بيكون فيه عيوب وبردو تقيلة في بيعها
انا لو مكان حضرتك هختار الاوبتر ، ارجو اني اكون وصلت لحضرتك وجهة نظري المتواضعة ، ولحضرتك حرية الاختيار ويا ريت متتسرعش فلوس حضرتك في جيبك والعربيات في السوق وهقول لحضرتك حاجة اخيرة في السباحة محدش بيعوم عكس الموج في الشراء نفس الكلام حضرتك تشتري العربية اللي تعتبر استثمار لفلوسك لما تيجي تبيعها تبقي عارف هتخسر اد ايه وتتباع علي طول واسف لو طولت علي حضرتك
|
شكرا لحضرتك وفعلا وجهة نظر تحترم
