[ابوجهاد]

المشاركة الأصلية كتبت بواسطة samirayad أولا أكشف على زيت الفرامل لقيته منخفض المنسوب فى التنك يبقى تعرف على طول أن التيل متاكل عندك أو فيه حاجه بتهرب زيت من دايرة الفرامل أو دايرة الدبرياج ( لو كان التيل لسه كويس ) ......................... ... ثانيا لقيت كله تمام يبقى يجب تغيير زيت الفرامل والدبرياج مع أخذ الهواء بطريقه صح من الدايرتين وتجرب تانى ------------------- ثالثا لقيت برضه بعد تغيير الزيت بيحصل معاك أحيانا قلق فى النقل يبقى يجب تغيير مساتر الدبرياج واحد تلو الآخر وأبدأ بالماستر التحتانى للدبرياج

اولا اشكر كل من شاركني في هذا الموضوع
ثانيا كنت في مشوار بعيد في مصر الجديده وعملتها معايا تاني ورحت لميكانيكي هناك وقلي نجيب طقم اصلاح ماستر علوي قلتله ماشي وركبناه واخذنا الهوا ومشيت العربيه زي الفل بقالها حوالي 4 ايام ولكن بالامس وانا راجع من العمل عملتها تاني بس الحمد لله كنت قريب من المنزل والميكانيكي ال بتعامل معاه وذهبت الي الميكانيكي قلي الموضوع كله في طقم الدبرياج ولازم ننزل الفتيس قلتله ماشي المهم حلينا الفتيس وفعلا وجدنا الاسطوانه متكسره ( السوست بتعتها) اشتريت طقم دبرياج(اسطوانه وديسك وبليه وجوان خلفي) 390 جنيه وركبناهم واخذ مصنعيه 150 جنيه
معلش انا بقول التفاصيل علشان يكون عندنا معرفه بالاسعار لل ما يعرفش وكمان ال شايف الاسعار غاليه يقولنا وطبعا النهارده الجمعه انا في اجازه وبكره ان شاء الله ازود زيت الفتيس واجرب وربنا يكرم ويكون العيب انتهي