[Ma7moud ShedeD]

السلام عليكم و رحمة الله و بركاته
انا بأذن الله ناوى اشترى BYD F3..فى اليومين الجايين دول و قعدت ادور كتير لحد لما اتأكدت فعلا ان العربية دى ممتازة بكل معنى الكلمة و كل سواقيين التاكسى بيشكروا فيها حتى الى معاهم اسبرانزا و ده الى خلانى اتمسك بيها اكتر ده غير انها 80% يابانى..و متور اقوى بكتير من الاسبرانزا مع ان عمى معاه اسبرانزا A516..موديل 2011..بس استعماله خفيف للعربية مش بيمشى بيها كتير غير ان فى عيوب غريبة فى التكييف بتعها..العربيتين ممتازين بصراحة لاكن الاضمن البى واى دى مع ان الاسبرانزا اوسع و تكييف تاتش لاكن مفيش حاجة كاملة..انا روحت انهردة معرض الامل التوكيل الرئيسى و مقرة فى مصر الجديدة و شفت العربات هناك بس مشكلتهم انهم بيتعاملو كاش مش قسط و القسط مش مريح زى المعارض فا كنت عاوز اخد رأيكو قبل ما اشترى و اشترى من انهى معرض مع العلم انى ساكن فى مدينة نصر بس يكون معرض محترم و كويس و يسلمنى العربية فى ظرف يومين مش اكتر..و اية الى لازم اخد بالى منو و انا بشترى العربية..و كلنا عارفيين التقفيل المصرى و عيوبة..فا يا ريت تفيدونى خصوصا انى كنت خلاص هشترى نوبيرا 2006..بس غيرت رأيى على اخر لحظة..اسف على الاطالة و لكم جزيل الشكر