[وائل السويفي]

بسم الله الرحمن الرحيم
طبعا بعض الاعضاء الاعزاء فاكرين موضوعي من اكتر من 3 سنين ونص
تجربتي المتواضعة مع الدايو لانوس S
--------------------------------------------------------------------------------
قلت لازم اعلق على على بعض النقط اللي قلتها زمان (التعليق هايكون باللون الأزرق)

النوع : دايو
الموديل : لانوس S
السنة : 2008
اللون : سماوي (بيبي بلو)
عداد الكيلو : اكثر من 3000 كم دلوقتي اكتر من 98 الف كم

ما اعجبني:
الوسع الداخلي جميل جدا مقارنة بالفيرنا طبعا مع وجود طفلين بيحصل مشكلة عند نومهم بس حتى الآن الوسع معقول جدا
درجة العزل المعقولة طالما انت على 90 اتراجع عن كلامي واقول العزل لايزيد عن 40% من المطلوب
قابليتها للترويش الشيك لم "اروش" ولا ترويشة صغيرة
الشنطة سعتها جيدة 100%

ما لم يعجبني:
خامات التابلوه والبلاستيك المستخدم بصراحة ماشاء الله عليها طلع احسن من عربيات تانية كتير وبعد كل غسلة يرجع احلى
نور الشبورة مشتغلش من تالت يوم !!!!!! عيوب فيوزات محصلتش تاني

الكماليات والاكسسوار:
فرش جلد اسود حالته بقت حاله بس شال بلاوي عن الفرش الاصلي
طقم دواسات اتغير مرتين
غطاء ووتر بروف الكلاب اعتبرته من الفلول وقامت بالواجب واتغير طبعا
عراقات شكل الكراسي الريكارو (بس طبعا اشتريتهم قلة خبرة وغباء هو في حد يشتري عراقات جلد؟؟) جربت عراقات كتير بس لقيت الكرسي لوحدة احلى
طقم نواكل : مرايات - فوانيس خلفية - مقابض - رشاشات المساحة - مثلث خلف الشباك الخلفي
شريط جلد حامي الاكصدامين تقريبا مش فاضل منها غير المقابض


استهلاك البنزين حتى الآن:
اسوأ استهلاك كان 200 كم في الصفيحة = سرعة فوق 110 كم/س + تكييف طول الوقت اسوأ استهلاك كان 150 كم/الصفيحة ومع الزحمة بقى شئ طبيعي
احسن استهلاك كان 300 كم في الصفيحة = سرعة لا تزيد عن 90 كم/س + بدون تكييف احسن استهلاك دلوقتي 230 كم/الصفيحة وكدا ابوس ايدي وش وضهر


ملاحظة: انا ساكن في فيصل وشغلي في القطامية فاغلب طريقى سريع على الدائري. لسه نفس المشوار 40 كم رايح وزيه راجع


ان شاء الله انزل الصور قريب جدا مع الأسف مقدرتش


ظروف التجربة:
اولا السيارة لم تكمل الـ5000 ... يعني لسه بدري عليها قربت على 100 الف
ثانيا انا مش خبير في السيارات انا مجرد واحد بيحب مشاركة تجربته لازلت مش خبير
ثالثا ودا الاهم ان التقييم ناقص كتير فمستني مشاركتكم واسئلتكم علشان يكمل التقييم عايز اشكر كل من شارك في الموضوع الأصلي و بشكر طبعا كل اللي هايشارك في الموضوع دا

أخوكم وائل السويفي انا برضه