رد: يعني هاف باور
زى ماقال حازم مفيش حاجة اسمها هاف باور فعلياً لكن مقارنة بالعربيات القديمة تعتبر اكثر نعومة وسلاسة فى التحكم من القديم اوى
الفرق بين الاتنين بيختلف فى حالة انك بتحرك الدريكسيون والعربية واقفة او وهى ماشية
لو وهى واقفة اللى مفيهوش باور هيبقى تقيل وهيتقل اكتر لو العربية محملة
لو فيها باور هيبقى عادى جداً وخفيف
اما لو العربية ماشية حتى ولو بسيط فى الحالتين هتبقى التحكم فى الدريكسيون خفيف وسهل بالعكس اللى من غير باور هتبقى ادق
مره تانية الفرق فى تحريك الدريكسيون والعربية واقفة زى اوقات لما بتركن مثلا وتقعد تروح وتيجى علشان تظبط العربية على مكان ضيق هنا بس يبان الفرق بين الباور واللى مفيهوش
انا شخصيا لو هشترى عربية صغيرة زى الابيزا مش هدقق فى موضوع الباور حد تانى ممكن تختلف عامة هى كماليات مش شىء اساسى فى العربية
وبالتوفيق فى الشراء ان شاء الله ومتنساش الاستخارة
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|