رد: حمى الكيا سيراتو الجديدة
طيب الكلام ده ممكن يتقال عن أي عربيه ..
أي عربيه علشان تتجرب و الناس تقول رأيها فيها محتاجه على الاقل سنتين تكون طلعت كل اللي جواها
يعني الكورولا الجديده اول ما نزلت الناس جريت عليها .. وبعد كده قعدوا يلعنو في الفتيس ...
والياريس الناس جريت عليها برضو .. لكن شكرو فيها و عجبتهم ..
والميجان اول ما نزلت كانت طفره ..لكن كله بيهرب منها دلوقتي ...
الموديل الجديد له الاغراء بتاعه برضو ... وشكل العربيه من الخارج مغري فعلا و جديد ..
لكن كيا مش شركه وليده الامس
و الاقبال على السيراتو الجديده أكيد مبني على سمعه السيراتو القديمه ... و كيا عموما ... و طبعا مواصفات العربيه مقابل تمنها ....
النهارده ايه هي العربيه الاوتو فتيس ترونيك ب 110 الف
او العربيه بايرباجز و ستارت ستوب وباركينج سنسورز و تكييف تاتش وفتحه سقف و و ... و الخ ... ب 125 الف ؟؟!!
الالنترا اقرب منافس وتعتبر اختها في الرضاعه مفيهاش الاوبشنز اللي في السيراتو ...
والكروز برضو مواصفاتها اقل و كمان الموتور اقل في الهورس باور ..
ولو اتكلمنا على ياباني يبقى بنتكلم في فرق لا يقل عن 20 الف جنيه للشارك او لانسر بومه ال 106 حصان اللي مش عارف اساسا بينتجوها فين حاليا !!
الكورولا ال 1300 مانيوال بتمن السيراتو هاي لاين
ممم .. ايه كمان ؟؟
بحاول افتكر ايه العربيات اللي في نفس الرينج .... قول معايا طيب ptmnlo123per147ptmnlo123p er118
__________________
من تواضع لله رفعه The ultimate car would be designed by Italians engineered by Germans built by Japanese &
|