السلام عليكم
امبارح اكتشفت ان انتخابات مجلس الشورى بدأت و اخر يوم كان ليها امبارح !!!!
بعد الشغل رحت اللجنة الى انتخبت فيها مجلس الشعب ... و اديت صوتى ... و كان ليا بعض الملاحظات :-
1- فراغ تام ..... محدش كان بيروح ينتخب و يدى صوتوه ... و اللجان فاضية ... و كانوا بيضموا كل 3 او اربع لجان فى لجنة واحدة .... الناس كانت زى الى بتتحايل عليا علشان اقعد معاهم شوية و نتكلم ... فاضيين مش لاقيين حاجة يعملوها
2- تواجد عساكر الجيش قليل ... و تواجد عساكر الشرطة كتير جدا ..... لا يقارن بين تواجدهم فى انتخابات مجلس الشعب ... و محدش بيقولك انت رايح فين ولا جاى من فين
3- مندوبين الحرية و العدالة بس هم الى موجودين .... و باقية المندوبين مش موجودين ... يمكن يكونوا موجودين .. بس انا محستش ان ليهم تاثير
4- الورقة الى فيها اسماء المرشحين قد الورقة بتاعم مجلس الشعب مرة و نصف
بالرغم من عدم اقتناعى بمجلس الشورى .... بس انا كنت شايف ان صوتى امانة و حبيت اكون ايجابى
