تحية الي شهداء ثورة 25 يناير الي نزلوا وحرورونا وقضوا علي نظام بائن فاسد دمر المصرييين
امبارح وانا مروح شامم ريحه بنزين قويه سطلتني تقريبا ( كنت عامل دماغ بنزين 92) عجب
المهم كلمت احمد كار حبيبي وقلت ليه قالي تعالي اعملها ليك بيني وبينكم خفت يحصل حاجة تبوز وانا علي الدائري والزحمة اتسحل بقه
كلمت محمد تونسي اخويا الكبير واخدت رايه قالي ممكن كليبس او حاجة زيه ديه
قابلت والدي حبيبي
دخل معايا
شم ريحه البنزين
عمل بردك دماغ
روحنا لمركز صيانه بتاع صديق بابا فكينا الشنطه من ورا وكده
والحمد لله
عرفنا ان المشكله من وش طربمة البنزين
الي لونها ابيض ديه
كلمت احمد كار قالي موجوده وبتنباع عندي في مدينه نصر وانا من الهرم عقبال ما اروح ليه انتحار يعني في الزحام ده
المهم كلمت محمد بك التونسي وهو جاري وقالي فيه محلات ودور وكده
الراجل الميكانيكي قالي صعب تلاقيها يا استاذ احمد
المهم
روحت لمحل اسمه المنير في شارع فيصل راجل اسطوري عنده كل حاجة دخلت وانا خايف وبقول يارب العالمين انقذني من هذا الموقف اللعين
الحمد لله لاقيتها ب 30 جنيه كوري أصلي الراجل جاب ليا من الاخر قالي الأول 50 وكده بس شكلي صعبت عليه لاني كنت متبهدل تقريبا والبدله طالعه مني والكرافته خنقاني
روحت للراجل والحمد فك الوش عمليه مش سهله
وفكينا الطرمبة بتاعت البنزين كاملة وركبتها
والحمد لله كله تمام الأن واختفت رائحة البنزين
الراجل اخد مني 40 جنيه
يعني صلحتها ب 70 جنيه ويارب يسترها معايا